பரிதாப தேமுதிக.. பாயும் பாமக.. கரையும் மக்கள் நலக் கூட்டணி.. ஒன்இந்தியா சர்வே

சென்னை: தமிழகத்தில் இப்போது தேர்தல் நடந்தால் யாருக்கு வாக்களிப்பீர்கள் என்று கருத்துக் கணிப்பில் பாமகவை விட தேமுதிக நிலைதான் மிகப் பரிதாபமாக இருக்கிறது.

தமிழகத்தில் இப்போது தேர்தல் நடந்தால் யாருக்கு வாக்களிப்பீர்கள் என்று நமது வாசகர்களிடம் கேட்டிருந்தோம். பாமக, தேமுதிக, கம்யூனிஸ்ட் கூட்டணிக்கு கிடைத்துள்ள வாக்கு நிலவரம் இப்போது பாரக்கலாம்.

இந்த கருத்துக் கணிப்பில் தேமுதிகவை விட பாமகவுக்கு ஆதரவு கூடுதலாக கிடைத்துளளது. அதேசமயம், கம்யூனிஸ்ட் கட்சிகளை உள்ளடக்கிய மக்கள் நலக் கூட்டணி மக்கள் ஆதரவைப் பெறத் தவறியுள்ளது.

பாமக

பாமகவுக்கு இந்த கருத்துக் கணிப்பில் கிடைத்துள்ள வாக்குகள் 3001 ஆகும். அதாவது மொத்த வாக்குகளில் 7.04 சதவீத வாக்குகளை பாமக பெற்றுள்ளது.

தேமுதிக

தேமுதிகவுக்கு மொத்தம் 1336 வாக்குகள் கிடைத்துள்ளன. மொத்தம் பதிவான வாக்குகளில் இது 3.14 சதவீதமாகும்.

மக்கள் நலக் கூட்டணி

மக்கள் நலக் கூட்டணிக்கு நமது வாசகர்களிடையே அதிக வரவேற்பு இல்லை. இவர்களுக்குக் கிடைத்துள்ள வாக்குகள் 412 ஆகும். அதாவது 0.97 சதவீதமாகும்.

யாருக்கும் வாக்களிக்க மாட்டேன்

நமது கருத்துக் கணிப்பில் யாருக்கும் வாக்களிக்க மாட்டேன் என்று கூறியோர் 11.03 சதவீதமாகும். அதாவது 4699 வாக்குகள் இதற்குக் கிடைத்துள்ளது.

English summary

PMK has got more support from Oneindia Tamil readers than the DMDMK and PWF, revealed in Oneindia Tamil survey.