டிவிட்டரில் இணைந்தார் பாமக நிறுவனர் ராமதாஸ்
சென்னை: நாட்டின் குடியரசு தலைவர், பிரதமர், மத்திய, மாநில அமைச்சர்கள் பலரும் டிவிட்டர் கணக்கு வைத்துள்ளனர். தமிழக அரசியல் தலைவர்களை பொறுத்தளவில் திமுக தலைவர் கருணாநிதி டிவிட்டரில் ஆக்டிவாக உள்ளார். ஸ்டாலின், ஜே.அன்பழகன் போன்ற திமுகவினரும், தமிழிசை சவுந்தர ராஜன், பொன்.ராதாகிருஷ்ணன் போன்ற பாஜகவினரும் டிவிட்டரில் பிரபலம்.
காங்கிரசின், குஷ்பு டிவிட்டர் கணக்கு சக்கை போடுபோட்டுவருகிறது. சமீபத்தில் தமிழக காங்கிரஸ் தலைவர் இளங்கோவனும், டிவிட்டர் கணக்கை துவக்கினார். ஆனால் தேமுதிக, பாமக போன்ற கட்சிகளின் தலைவர்கள் டிவிட்டரை பயன்படுத்தாமல் இருந்தனர். இந்நிலையில் பாமக நிறுவனர் ராமதாஸ் இந்த கோதாவில் குதித்துள்ளார்.
இதுகுறித்து பாமக வெளியிட்ட செய்திக் குறிப்பு: பாட்டாளி மக்கள் கட்சி நிறுவனர் ராமதாஸ் டிவிட்டர் கணக்குத் தொடங்கியுள்ளார். அவரது டிவிட்டர் கணக்கின் முகவரி @drramadoss ஆகும்.
பா.ம.க நிறுவனர் ராமதாஸ் அவர்களின் கீச்சுக்கள், புகைப்படங்கள் உள்ளிட்டவை @drramadoss எனும் அவரது Twitter கணக்கின் வழியாக அவ்வப்போது வெளியாகும் என்பதை தெரிவித்துக் கொள்கிறோம். இவ்வாறு அதில் கூறப்பட்டுள்ளது.
Click it and Unblock the Notifications
Sign in with Google