கிருஷ்ணகிரி, தருமபுரி, உட்பட பாமக போட்டியிடும் 8 தொகுதிகள்

சென்னை: பாரதிய ஜனதா தலைமையிலான தேசிய ஜனநாயகக் கூட்டணியில் பாட்டாளி மக்கள் கட்சிக்கு கிருஷ்ணகிரி, தருமபுரி உட்பட 8 தொகுதிகள் ஒதுக்கப்பட்டுள்ளன.

சென்னையில் பாஜக தலைவர் ராஜ்நாத்சிங்கை பாஜக கூட்டணிக் கட்சித் தலைவர்களான விஜயகாந்த், வைகோ, அன்புமணி ராமதாஸ், பாரிவேந்தர், ஈஸ்வரன் ஆகியோர் இன்று சந்தித்தனர்.

அதன் பின்னர் கூட்டணிக் கட்சித் தலைவர்களுடன் செய்தியாளர்களை சந்தித்த ராஜ்நாத்சிங் கட்சிகளுக்கான தொகுதிப் பங்கீட்டை அறிவித்தார். பாமகவுக்கு 8 தொகுதிகள் ஒதுக்கீடு செய்யப்பட்டுள்ளதாகவும் அவர் அறிவித்தார்.

இந்த 8 தொகுதிகளின் விவரமும் ராஜ்நாத்சிங் மற்றும் கூட்டணிக் கட்சித் தலைவர்கள் முன்னிலையில் வெளியிடப்பட்டது.

பாமக போட்டியிடும் 8 தொகுதிகள் விவரம்:

1. அரக்கோணம்

2. கிருஷ்ணகிரி

3. தருமபுரி

4. ஆரணி

5. சிதம்பரம்

6. மயிலாடுதுறை

7. திருவண்ணாமலை

8. நாகப்பட்டினம்

English summary

According to the consensus reached among the BJP allies, the PMK will contest 8 seats including Dharmapuri, Krishnagiri.