புதுவையில் பாஜக கூட்டணி உடைந்தது.. என்.ஆர். காங்கிரஸுக்கு எதிராக பாமக போட்டி
புதுச்சேரி: புதுச்சேரியல் பாமக போட்டியிடுவது உறுதியாகி விட்டது. ஏற்கனவே வேட்பாளராக அறிவிக்கப்பட்டிருந்த மாநிலச் செயலாளர் அனந்தராமன் போட்டியிடுவார் என்று தற்போது பாமக உறுதிபட அறிவித்து விட்டது.
இது தொடர்பாக பாமக தலைவர் ஜி.கே.மணி இன்று வெளியிட்டுள்ள அறிக்கையில், வரும் 24.04.2014 அன்று நடைபெறவுள்ள நாடாளுமன்ற மக்களவைத் தேர்தலில் புதுச்சேரி மக்களவைத் தொகுதியின் பாட்டாளி மக்கள் கட்சி வேட்பாளராக ஆர்.கே.ஆர்.அனந்தராமன் போட்டியிடுவார். பா.ம.க. நிறுவனர் ராமதாஸ், அன்புமணி ஆகியோரின் ஒப்புதலுடன் இந்த அறிவிப்பு வெளியிடப்படுகிறது என்று தெரிவித்துள்ளார்
இதன் மூலம் பாஜக கூட்டணியில் இந்தத் தொகுதியில் என்.ஆர். காங்கிரஸ் ஏற்கனவே போட்டியிடும் என்று அறிவிக்கப்பட்டுள்ளதால், புதுவையில் இந்தக் கூட்டணி உடைந்துள்ளது.
பாமக போட்டியிடுவதால் தேமுதிகவும் போட்டியிடும் என்ற எதிர்பார்ப்பு நிலவுகிறது.