தர்மபுரி, கிருஷ்ணகிரியில் பாமக ஆதிக்கம்; கோவை மண்டலத்தில் தேமுதிக கொடி: நியூஸ் 7 கருத்துக் கணிப்பு

சென்னை: தர்மபுரி, கிருஷ்ணகிரி மாவட்டங்களில் பாமக தனது வாக்கு வங்கியைத் தக்க வைத்துள்ளது நியூஸ் 7 - தினமலர் கருத்துக் கணிப்பின் மூலம் தெரிய வந்துள்ளது.

நியூஸ் 7 - தினமலர் இணைந்து நடத்திய கருத்துக் கணிப்பு முடிவுகள் இன்று வெளியிடப்பட்டன. முதலில் மேற்கு மண்டல முடிவுகள் வெளியிடப்பட்டன.

இதில் 8 மாவட்டங்கள் இடம் பெற்றுள்ளன. அதில் தர்மபுரி, கிருஷ்ணகிரி இரு மாவட்டங்களில் பாமக 3வது இடத்தைப் பிடித்துள்ளது. தேமுதிக 4வது இடத்திற்குத் தள்ளப்பட்டுள்ளது.

அதேசமயம், கோவை, திருப்பூர், நீலகிரி, ஈரோடு, சேலம், நாமக்கல் மாவட்டங்களில் தேமுதிக 3வது இடத்தைப் பிடித்துள்ளது. பாமக நான்காவது இடத்திற்குப் போயுள்ளது. இருப்பினும் சில தொகுதிகளில் பாமக 3வது இடத்தைப் பிடித்துள்ளது. அதாவது சேலம் மாவட்டத்தில் சில தொகுதிகளில் பாமகவுக்கு பலம் உள்ளது.

இதன் மூலம் மேற்கு மண்டலத்தின் கோவை மண்டலப் பகுதிகளில் தேமுதிக தொடர்ந்து தனது வாக்கு வங்கியைத் தக்க வைத்திருப்பது தெரிய வந்துள்ளது. அதேபோல தர்மபுரி, கிருஷ்ணகிரி ஆகிய தனது பிராந்தியத்தை பாமக தொடர்ந்து தக்க வைத்திருப்பது உறுதியாகியுள்ளது.

English summary

According to the opinion poll conductded by News 7 and Dinamalar, the PMK has kept its grip in Dharmapuri and Krishnagiri.