'மாற்றம்- முன்னேற்றம்'- பாமகவின் தேர்தல் பிரசார பாடல்கள் ரிலீஸ்

சென்னை: சட்டசபை தேர்தலுக்காக "மாற்றம்- முன்னேற்றம்" என்ற தலைப்பில் பிரசார பாடல்களை பாட்டாளி மக்கள் கட்சி வெளியிட்டுள்ளது.

சட்டசபை தேர்தலில் அன்புமணிதான் முதல்வர் வேட்பாளர்; பாமக தலைமையில்தான் கூட்டணி என்ற கோஷத்துடன் களமிறங்கியுள்ளது பாமக. இதுவரையில் எந்த பெரிய கட்சியும் பாமக கூட்டணியில் இடம்பெறவில்லை.

லோக்சபா தேர்தலைப் போல பாமகவை தங்களது அணிக்கு கொண்டுவர பாஜக முயற்சித்தது. ஆனால் பாமக திட்டவட்டமாக தங்களது தலைமையில்தான் கூட்டணி என கூறிவிட்டது. தேமுதிக, அதிமுகவுடன் பேச்சுவார்த்தை நடத்தி வரும் பாஜக வேறுவழியில்லாமல் போனால் பாமக தலைமையிலான கூட்டணியில் இடம்பெறலாம் என்பதுதான் தற்போதைய நிலை.

இதனிடையே பாமகவின் தேர்தல் பிரசார பாடல்கள் அடங்கிய சிடி வெளியிடப்பட்டுள்ளது. சென்னையில் நடைபெற்ற நிகழ்ச்சியில் பாமகவின் முதல்வர் வேட்பாளர் அன்புமணி ராமதாஸ் வெளியிட ஆட்டோ ஓட்டுநர் மற்றும் துப்புரவு தொழிலாளர்கள் அதை பெற்றுக் கொண்டனர்.

English summary

PMK today released an aundio CD fro upcoming State assembly elections.