தே.மு.தி.க இல்லாத பா.ஜ.க கூட்டணிக்குத் தயார்’: பாமக திடீர் நிபந்தனை

By Mayura Akilan

Published: Monday, January 27, 2014, 10:52 [IST]

Subscribe to Oneindia Tamil

சென்னை: தேமுதிக இல்லாமல் பாஜக கூட்டணி அமைத்தால் அந்தக் கூட்டணியில் இணைய விரும்புவதாக பாமக தரப்பில் நிபந்தனை விதிக்கப்பட்டுள்ளதாக செய்திகள் வெளியாகியுள்ளன.

1991 சட்டமன்றத் தேர்தலில் ஒரு தொகுதியையும் 1996 தேர்தலில் 4 தொகுதிகளையும் தனித்து நின்றே வென்றெடுத்தது பாமக. 1998 நாடாளுமன்றத் தேர்தலில் பாஜகவுடன் இணைந்த அதிமுக கூட்டணியில் இடம்பிடித்த பாமக, 4 தொகுதிகளில் வெற்றி பெற்றது.

அதிமுக, திமுக உடன் மாறி மாறி கூட்டணி அமைத்து போட்டியிட்டு வெற்றி பெற்ற பாமக, தாங்கள் இடம் பிடித்த கூட்டணியே நாடாளுமன்ற மற்றும் சட்டமன்றத் தேர்தல்களில் வெற்றிக்கூட்டணி பேரம் பேசியது. ஆனால் 2009 நாடாளுமன்றத் தேர்தலில் போட்டியிட்ட 7 தொகுதிகளிலுமே மண்ணைக் கவ்வியது பாமக. இதற்குக் காரணம் அந்தத் தேர்தலில் புதிய வரவான தேமுதிக-வின் வாக்கு வங்கிதான்.

திராவிட கட்சிகளுக்கு நோ

தேர்தலில் தோற்றுப்போன புதிதில் இனி, திராவிடக் கட்சிகளோடும் தேசியக் கட்சிகளோடும் கூட்டணி வைக்க மாட்டோம்' என உறக்கச் சொன்னது பாமக.

நிலையை மாற்றிய பாமக

இப்போது அந்த நிலைப்பாட்டை மாற்றிக்கொண்டு ‘திராவிடக் கட்சிகளோடு கூட்டணி இல்லை' என்ற முடிவுக்கு வந்திருப்பதாகச் சொல்பவர்கள், தேமுதிக-வை கூட்டணியில் சேர்க்கக் கூடாது என்ற நிபந்தனையுடன் பாஜக கூட்டணியில் சேருவதற்கு பாமக தயாராகிவிட்டது என்கிறார்கள்.

தேமுதிக எதிர்ப்பு

திமுக, அதிமுக-வுடன் இனி கூட்டணி அமைப்பது தங்களது அரசியல் எதிர்காலத்தை பாதிக் கும். அதேபோல் தேமுதிக இருக்கும் அணியில் சேர்ந்தால் தங்களை வைத்து அவர்களுக்கு கிடைக்கும் வளர்ச்சியும் தங்களுக்கு பாதிப்பாகலாம் என்று கணக்குப் போடுகிறதாம் பாமக. இத்தகையை முன்னெச்சரிக்கை யோடுதான் தேமுதிக இல்லாத பாஜக கூட்டணி என நிபந்தனை விதிப்பதாகச் சொல்லப்படுகிறது.