கலாம் படித்த பள்ளி பக்கமே வர கூடாது- கமல்ஹாசனுக்கு அரசு அதிரடி தடை!

அப்துல் கலாம் படித்த பள்ளிக்கு நடிகர் கமல்ஹாசன் செல்ல அரசு தடை விதித்துள்ளது.

மண்டபம்: அரசியல் பயணத்தைத் தொடங்கியுள்ள நடிகர் கமல்ஹாசன் மறைந்த மக்கள் ஜனாதிபதி அப்துல் கலாம் படித்த பள்ளிக் கூடத்துக்கு சென்று மாணவர்களை சந்திக்க அரசு தடை விதித்தது. இதனால் கலாம் படித்த பள்ளியை கமல்ஹாசன் பார்வையிடவில்லை.

கமல்ஹாசன் அரசியல் பயணத்தை அப்துல் கலாம் இல்லத்தில் இருந்து இன்று காலை தொடங்கினார். இதையடுத்து மண்டபத்தில் உள்ள அப்துல் கலாம் படித்த பள்ளியில் மாணவர்களை சந்தித்து கலந்துரையாடுவார் என அறிவிக்கப்பட்டிருந்தது.

ஆனால் மாணவர்களை சந்தித்து கமல்ஹாசன் கலந்துரையாட இந்து முன்னணி போன்ற அமைப்புகள் கடும் எதிர்ப்பு தெரிவித்தன. இதையடுத்து கலாம் பள்ளியில் மாணவர்களுடன் கலந்துரையாட கமல்ஹாசனுக்கு போலீசார் அனுமதி மறுத்தனர்.

இதனால் அப்துல் கலாம் வீட்டில் இருந்து அரசியல் பயணத்தைத் தொடங்கிய கமல்ஹாசன், கலாம் படித்த பள்ளியைப் பார்வையிடவில்லை. அப்பள்ளி முன்பாக ஏராளமான போலீசார் குவிக்கப்பட்டிருந்தனர்.

கலாம் படித்த பள்ளி முன்பாக கமல்ஹாசன் வாகனம் வந்தபோது அதில் நின்றபடியே ரசிகர்களை பார்த்து கை அசைத்துவிட்டு கமல்ஹாசன் புறப்பட்டார். அப்பகுதியில் இந்து முன்னணியினரும் கமல் ரசிகர்களும் குவிந்திருந்தனர். இதனால் அங்கு பதற்றம் ஏற்பட்டது.

English summary

The Police denied permission to Actor Kamal Haasan to visiting Abdul Kalam’s school.