காவல்துறைக்கு வந்த 'அலர்ட்'.. சென்னை உட்பட அனைத்து நகரங்களிலும் போலீஸ் குவிப்பு

சென்னை: திமுக தலைவர் கருணாநிதியின் உடல்நிலையில் பின்னடைவு ஏற்பட்டுள்ளதாக காவேரி மருத்துவமனை இன்று வெளியிட்டுள்ள அறிக்கையில் தெரிவிக்கப்பட்டுள்ளது.

இதையடுத்து, சென்னை உட்பட தமிழகத்தின் அனைத்து நகரங்களிலும் உள்ள முக்கியமான இடங்களில் போலீசார் குவிக்கப்பட்டுள்ளனர். திமுக தலைவர் கருணாநிதியின் உடல்நிலையில் பின்னடைவு ஏற்பட்டுள்ளதாக காவேரி மருத்துவமனை இன்று மாலை செய்திக்குறிப்பு வெளியிட்டிருந்தது நினைவிருக்கலாம்.

இதையடுத்து, தமிழக காவல்துறையினருக்கு மேலிடத்திலிருந்து 'அலெர்ட்' மெசேஜ் சென்றுள்ளது. இதையடுத்து முக்கிய பகுதிகளில் போலீசார் குவிக்கப்பட்டு வருவதாக காவல்துறை வட்டாரங்கள் தெரிவிக்கின்றன.

English summary

Police deployed at many important places in Tamilnadu including Chennai after decline in Karunanidhi health.