அவங்க நல்லா அடிச்சுக்கட்டும்.. ஜாதகப்படி நான்தான் சிஎம்.. அசால்ட்டாக கூறும் "பெண் எம்.பி'

அடிதடி அரங்கேறினாலும் ஜாதகப்படி தாமே முதல்வர் என நம்பிக்கையோடு இருக்கிறாராம் அந்த பெண் எம்.பி.

Updated: Wednesday, August 23, 2017, 16:37 [IST]

Subscribe to Oneindia Tamil

சென்னை: அதிமுகவே அணிகளாக பிரிந்து சேர்ந்து பிரிந்து ஆட்சியே அம்போவாகும் நிலைமையில் இருக்கிறது... இதையெல்லாம் கண்டுகொள்ளாத அதகள பெண் எம்பி ரொம்பவே சீரியசாக, யாரோ அடிச்சுக்குங்க.. என் ஜாதகத்துல எனக்கு சிஎம் போஸ்ட்னு இருக்கிறதை நான் நம்பி கொண்டிருக்கிறேன் என கமெண்ட் அடித்திருப்பதுதான் அக்கட்சி வட்டாரங்களில் கிசுகிசுவாக பேசப்படுகிறது.

நாட்டையே திரும்பிப் பார்க்க வைத்தவர் அந்த பெண் எம்.பி. அவரது வியூகங்களையும் லாபிகளையும் பார்த்து ஜெயலலிதா ரொம்பவே ஆச்சரியப்பட்டுப் போய் பதவிகளை அடுத்தடுத்து கொடுத்தார்.

புலம்பும் குடும்பம்

காலத்தின் கோலம் என்னவெல்லாமோ நடந்துவிட்டது.. ஆனாலும் அவரை வீழ்த்த நினைத்தவர்கள் கனவு எதுவும் பலிக்கவில்லை. இப்போதுகூட அந்த அம்மா விவகாரத்தில் நிதானமாக இல்லாமல் போனதுதான் நம்ம குடும்பம் செய்த முதல் தப்பு என புலம்புகிறார்கள் அவர்கள்.

லாபியிஸ்ட்

வடக்கேயே முகாமிட்டிருக்கும் அந்த எம்.பி. தமக்கான லாபிகளை எந்த கட்சி என்றெல்லாம் பார்க்காமல் ரொம்பவே வலுவாக்கி வைத்திருக்கிறார். எப்போதாவது தமிழகம் பக்கம் வந்துவிட்டு செல்கிறார்.

ஜாதகத்தில் சிஎம்

அப்படி சில நாட்களுக்கு முன்னர் தமிழகத்துக்கு வந்துவிட்டு போனார். அப்படி தமது உறவினர்களிடம் பேசும்போது, என்னமோ இவங்க யாரெல்லாம் அடிச்சுகிட்டு போகட்டும்.. எனக்கு எதுவும் கவலை இல்லை. ஏன்னா என்னோட ஜாதகத்துல சி.எம். போஸ்ட் கண்டிப்பாக கிடைக்கும்னு இருக்கு; எனக்கு நம்பிக்கை இருக்கு என அசால்ட்டாக சொல்லியிருக்கிறார்.