அதிமுகவுல இருந்து மட்டுமில்லை...திமுகவிலிருந்தும் வருவார்கள் - பொன்.ராதாகிருஷ்ணன் - வீடியோ

அதிமுகவிலிருந்து மட்டுமில்லாது திமுக உள்ளிட்ட மற்ற கட்சிகளில் இருந்தும் பலர் வந்து பாஜகவில் இணைவார்கள் என மத்திய இணை அமைச்சர் பொன்.ராதா கிருஷ்ணன் கூறினார்.

மத்திய இணை அமைச்சர் பொன்.ராதா கிருஷ்ணன் மதுரையில் செய்தியாளர்களிடம் பேசினார் , அப்போது அவர், அதிமுகவிலிருந்து நயினார் நாகேந்திரன் உள்ளிட்ட பிரமுகர்கள் பாரதிய ஜனதா கட்சியில் இணைந்துள்ளனர். இதனை பாஜகவின் வளர்ச்சியாகவே பார்க்கிறேன்.

அதிமுகவில் இருந்து மட்டுமில்லை, திமுக தொண்டர்களும் பாஜகவில் இணைவார்கள். மற்ற கட்சி தொண்டர்களும் பாஜகவை நோக்கி வருவார்கள். அதற்கான வாய்ப்புகள் பிரகாசமாக உள்ளது என்று பொன்.ராதா கிருஷ்ணன் கூறினார்.

சமீபத்தில் முன்னாள் அதிமுக அமைச்சர் நயினார் நாகேந்திரன், வேலூர் முன்னாள் மேயர் கார்த்திகாயினி, ஆற்காடு முன்னாள் எம்.எல்.ஏ சீனிவாசன் ஆகிய மூவரும் அமித்ஷா முன்னிலையில் பாஜகவில் இணைந்தனர்.

எப்படியாவது தமிழகத்தில் காலூன்ற வேண்டும் என நினைக்கும் பாஜகவுக்கு, இவர்கள் மூவரும் இணைப்பும் பலம் கொடுப்பதாக அமையும் என அரசியல் நோக்கர்கள் கருதுகின்றனர்.

English summary

Bjp minister Pon.Radhakrishan expressed his confidence that many of DMK people will join in BJP.