ரஜினியுடன் பாஜக பெண் எம்.பி சந்திப்பு.. மரியாதை நிமித்தம் என விளக்கம்
சென்னை: பாஜக எம்.பி. பூனம் மகாஜன், நடிகர் ரஜினிகாந்த்தை சந்தித்துப் பேசியுள்ளார். இதில் அரசியல் இல்லை, மரியாதை நிமித்தமானது என்று பாஜக விளக்கம் அளித்துள்ளது.
மகாராஷ்டிராவைச் சேர்ந்தவர் பூனம் மகாஜன். மறைந்த பிரமோத் மகாஜனின் மகள். இன்று போயஸ் கார்டன் இல்லம் சென்ற பூனம் மகாஜன், ரஜினியை சந்தித்துப் பேசினார். சந்திப்பின்போது ரஜினியின் மனைவி லதாவும் உடன் இருந்தார்.
லதா ரஜினியுடன் இணைந்து கல்வித் திட்டம் ஒன்றில் ஈடுபட பூனம் திட்டமிட்டுள்ளதாக கூறப்படுகிறது.
One of the most humble couples I have ever met 🙏🏻😊 Lathaji and Thalaiva @superstarrajini ji. pic.twitter.com/cBje3aWD5Z
— Poonam Mahajan (@poonam_mahajan) August 6, 2017
இந்த சந்திப்பு குறித்து பூனம் கூறுகையில், இந்த சந்திப்பு சிறப்பாக இருந்தது. ரஜினி எனக்கு ஆதரவாக இருக்கிறார். அவருக்கு எனது தந்தையை நன்றாகத் தெரியும். தமிழகத்தில் உள்ள ஒவ்வொருவரின் இதயத்திலும் ரஜினி இருக்கிறார் என்றார்.
இந்த சந்திப்பு மரியாதை நிமித்தமானது மட்டுமே, அரசியல் தொடர்பானது அல்ல என்று பாஜக தரப்பில் கூறப்பட்டுள்ளது.
Click it and Unblock the Notifications
Sign in with Google