பொருளாதார வீழ்ச்சிக்கு காரணமான மோடி பதவி விலக திருமாவளவன் வலியுறுத்தல்: வீடியோ

மோடியின் தவறான அணுகுமுறையால் நாட்டின் பொருளாதாரம் வீழ்ச்சி அடைந்துள்ளது. அதற்கு பொறுப்பேற்று மோடி பதவி விலக வேண்டும் என விடுதலை சிறுத்தைகள் கட்சி தலைவர் தொல். திருமாவளவன் வலிறுத்தியுள்ளார்.

வேலூர்: பணமதிப்பிழப்பு முடிவால் இந்தியாவின் பொருளாதாரத்தை அதளபாதாளத்துக்கு கொண்டு சென்ற பிரதமர் மோடி பதவி விலக வேண்டும் என விடுதலை சிறுத்தைகள் கட்சி தலைவர் தொல். திருமாவளவன் வலிறுத்தியுள்ளார்.

அண்மையில் மறைந்த மூத்த நாடாளுமன்ற உறுப்பினர் இரா.செழியன் புகைப்படத்துக்கு வேலூரில் அஞ்சலி செலுத்தினார் விடுதலை சிறுத்தைகள் கட்சி தலைவர் தொல். திருமாவளவன். அப்போது செய்தியாளர்களிடம் பேசிய தொல். திருமாவளவன், பிரதமர் மோடி வாய்ஜாலத்தால் சாதித்து விடலாம் என நினைத்தார். ஆனால் கடந்த மூன்றாண்டுகளில் மக்களுக்கு அவர் ஒன்றும் செய்யவில்லை.

ஆட்சிக்கு வந்தவுடன் இந்திய பொருளாதாரத்தை மேம்படுத்துவேன் என பிரதமர் மோடி கூறினார். ஆனால், 500 ரூபாய் மற்றும் 1000 ரூபாய் செல்லாது என அறிவித்ததால் இந்திய பொருளாதாரம் வீழ்ச்சி அடைந்துள்ளது.

நாட்டின் மொத்த வளர்ச்சி விகிதம்தற்போது 4 சதவிகித அளவுக்குக் குறைந்து மக்கள் துன்பப்படுகிறார்கள். எனவே பொருளாதாரத்தை சீரழித்த பிரதமர் மோடி பதவி விலக வேண்டும் என தொல். திருமாவளவன் கூறியுள்ளார்.

English summary

Prime minister Modi has to resign as he destroyed the Indian economy by his wrong decision told Thol. Thirumavalavan in vellore