மு.க. ஸ்டாலின், துரைமுருகன் மீது சட்டசபையில் உரிமை மீறல் புகார்

சென்னை: தமிழக சட்டசபையில் திமுக எம்.எல்.ஏக்களான மு.க. ஸ்டாலின், துரைமுருகன் ஆகியோர் மீது உரிமை மீறல் புகாரை அமைச்சர் முனுசாமி எழுப்பியுள்ளார்.

கடந்த 25, 28 ஆகிய தேதிகளில் சபையில் நடந்ததற்கு மாறான தவறான தகவலை தி.மு.க. சட்டப்பேரவைத் தலைவர் மு.க.ஸ்டாலின், துரைமுருகன் ஆகியோர் கூறியதாக அமைச்சர் முனுசாமி சட்டசபையில் இன்று இருவர் மீதும் உரிமை மீறல் புகார் தெரிவித்தார்.

அப்போது பேசிய முனுசாமி, சபாநாயகர் கூறாத கருத்தை இருவரும் சபைக்கு வெளியில் செய்தியாளர்களிடம் கூறியதாக அமைச்சர் புகார் தெரிவித்தார்.

இதையடுத்து அமைச்சர் முனுசாமியின் பரிந்துரையை ஏற்றுக் கொண்ட சபாநாயகர் தனபால் இந்த புகாரை உரிமை மீறல் குழுவுக்கு அனுப்பி வைத்தார்.

English summary

A breach of privilege motion was moved against DMK Mlas MK Stalin and Duraimurugan in the Tamil Nadu Assembly on Tuesday.