'பாண்டி டேஸ்' 4: தினகரன் ஆதரவு எம்எல்ஏக்களின் ஜாலி வாக்கிங்!
புதுச்சேரியில் தினகரன் ஆதரவு எம்எல்ஏக்கள் தங்கவைக்கப்பட்டு இன்றோடு 4 நாட்களாகிறது. முதல் நாள் தொடங்கி இன்றுவரை அவர்கள் சொகுசு வாழ்க்கையில் திளைக்கிறார்கள் என்று அதிரவைக்கிறார்கள் புதுவை அதிமுகவினர்.
புதுச்சேரி: முதல்வர் எடப்பாடி பழனிச்சாமிக்கு அளித்து வந்த ஆதரவை வாபஸ் பெறுவதாக அறிவித்து சென்ற தினகரன் ஆதரவு எம்எல்ஏக்கள் புதுச்சேரி தனியார் ரிசார்ட்டில் தங்கவைக்கப்பட்டு இன்றோடு 4 நாட்களாகிறது.
இதனால் அதிமுக வட்டாரத்தில் பரபரப்பு கூடிக்கொண்டே போகிறது. சென்ற முறை கூவத்தூர் ரிசார்ட் விடுதியில் தங்கவைக்கப்பட்ட போது என்னென்ன கூத்துக்கள் அரங்கேறியதோ அதே போல இங்கும் நடப்பதாக தகவல்கள் வெளியாகியுள்ளன.
புதுச்சேரி சின்னவீராம்பட்டினம் தனியார் சொகுசு ரிசார்ட்டில் தங்கியுள்ள எம்எல் ஏக்கள் 19 பேரும் , வெளியே வராமல் ரிசார்ட் பகுதியிலேயே ஜாலியாக பொழுதை கழித்துவருகிறார்கள். காலையில் வாக்கிங், சூடாக டிபன், மதியம் அறுசுவை மற்றும் கறி விருந்து இரவில் மது விருந்தென களை கட்டியுள்ளது அவர்களின் 'பாண்டி டேஸ்'.
இந்த நிலையில் அந்த எம் எல் ஏக்கள் என்ன செய்தாலும், அவர்களின் போட்டோஸ் மற்றும் வீடியோக்கள் சமூக வலைத்தளங்களில் வைரலாகி பரபரப்பை ஏற்படுத்தி வருகின்றன. நேற்று சீசா விளையாட்டு, நீச்சல் , வாலிபால் என்று பிசியாக இருந்தனர் அவர்கள்.
Morning visuals of #AIADMK MLAs backing TTV Dinakaran lodged in #Puducherry's Windflower Resort. pic.twitter.com/6M9g7B6y94
— ANI (@ANI) August 25, 2017
இன்று காலை எம் எல் ஏ தங்க தமிழ்ச்செல்வன் தனது ஆதரவாளர்களுடன் கடற்கரை மணலில் 'ஜாலி வாக்கிங் ' சென்ற போட்டோஸ் சமூக வலைத்தளங்களில் வைரலாகியுள்ளது.
Click it and Unblock the Notifications
Sign in with Google