எம்எஸ் விஸ்வநாதன் உடல்நிலையில் முன்னேற்றம்!

சென்னை: மூச்சுத் திணறல் உள்ளிட்ட சில உடல்நலக் கோளாறுகளால் மருத்துவமனையில் சேர்க்கப்பட்டுள்ள இசையமைப்பாளர் எம்எஸ் விஸ்வநாதன் உடல் நிலை மெல்ல முன்னேறி வருவதாக மருத்துவர்கள் தெரிவித்தனர்.

சில தினங்களுக்கு முன் எம்எஸ்வியை தனியார் மருத்துவமனையில் சேர்த்தனர். அவரது மகன்கள் மற்றும் உறவினர்கள் உடனிருந்து கவனிதக்து வருகின்றனர்.

டாக்டர்கள் அவருக்கு தீவிர சிகிச்சை அளித்து வருகின்றனர். இந்நிலையில் எம்.எஸ்.விஸ்வநாதனின் உடல்நிலையில் முன்னேற்றம் ஏற்பட்டுள்ளதாக அவருக்கு சிகிச்சை அளித்து வரும் டாக்டர்கள் தெரிவித்தனர்.

இதனைத் தொடர்ந்து தீவிர சிகிச்சைப் பிரிவில் இருக்கும் அவர், இன்று சாதாரண வார்டுக்கு மாற்றப்படுகிறார். ஓரிரு நாட்களில் வீடு திரும்புவார் எனத் தெரிகிறது.

English summary

Veteran Music composer MS Viswanathan health condition is progressing slowly.