அப்படியே பாஜக எம்பி பொன்.ராதாகிருஷ்ணனையும் ராஜினாமா செய்ய சொல்லுங்க அக்கா!

அதிமுக எம்பி முத்துக்கருப்பனை போல் திமுக எம்பி கனிமொழியும் ராஜினாமா செய்யவேண்டும் என்று கூறிய தமிழிசையை பாஜக எம்பியான பொன் ராதாகிருஷ்ணனையும் ராஜினாமா செய்ய சொல்லுமாறு மக்கள் கோரிக்கை விடுத்துள்ளனர்.

Updated: Monday, April 2, 2018, 14:01 [IST]

Subscribe to Oneindia Tamil

Recommended Video

பிரதமருக்கு யாரும் கறுப்புக்கொடி காட்ட முடியாது

சென்னை: அதிமுக எம்பி முத்துக்கருப்பனை போல் திமுக எம்பி கனிமொழியும் ராஜினாமா செய்யவேண்டும் என்று கூறிய தமிழிசையை பாஜக எம்பியான பொன் ராதாகிருஷ்ணனையும் ராஜினாமா செய்ய சொல்லுமாறு மக்கள் கோரிக்கை விடுத்துள்ளனர்.

காவிரி மேலாண்மை வாரியம் அமைக்கக்கோரியும் மேலாண்மை வாரியம் அமைக்காத மத்திய அரசைக் கண்டித்தும் தமிழகத்தில் நடைபெறும் போராட்டங்கள் தீவிரமடைந்துள்ளன.

அரசியல் கட்சிகள் மட்டுமின்றி மாணவர்களும் போராட்டத்தில் குதித்துள்ளதால் மத்திய மாநில அரசுகளுக்கு நெருக்கடி ஏற்பட்டுள்ளது.

கனிமொழி ராஜினாமா

இந்நிலையில் திருவண்ணாமலையில் செய்தியாளர்களிடம் பேசிய தமிழிசை சவுந்தரராஜன் அதிமுக எம்பி முத்துக்கருப்பனை போல் திமுக எம்பி கனிமொழியும் தனது பதவியை ராஜினாமா செய்ய வேண்டும் என வலியுறுத்தினார்.

பொன் ராதாகிருஷ்ணன்?

தமிழிசையின் இந்த பேச்சு பொதுமக்களிடையே மற்றொரு எதிர்பார்ப்பை ஏற்படுத்தியுள்ளது. அதாவது கனிமொழியை ராஜினாமா செய்யக்கூறும் தமிழிசை தமிழகத்திலிருந்து தேர்ந்தெடுக்கப்பட்ட பாஜக எம்பியான மத்திய அமைச்சர் பொன் ராதாகிருஷ்ணனை ராஜினாமா செய்யச் சொல்வாரா என்ற ஆர்வம் ஏற்பட்டுள்ளது.

தமிழக பாஜக

தமிழக பாஜகவும், தமிழக விவசாயிகளுக்கு ஆதரவாகவே இருக்கிறது என்பதை நிலைநாட்ட தமிழிசை நடவடிக்கை எடுக்க வேண்டும் என்றும் தமிழக பாஜக எம்பியான பொன் ராதாகிருஷ்ணனும் தனது பதவியை ராஜினாமா செய்ய வேண்டும் என்றும் தமிழக மக்கள் ஆவலுடன் எதிர்பார்க்கிறார்கள்.

வரலாற்றில் இடம்பிடிக்குமா?

இதன் மூலம் காவிரிக்காக பதவியைத்துறந்த ஒரே தமிழக மத்திய அமைச்சர் என்ற பெருமை காங்கிரஸுக்கு (வாழப்பாடி ராமமூர்த்தி) உள்ளதை அடுத்து பாஜகவும் அந்த வரலாற்றில் இடம்பிடிக்கலாம். வரலாற்றில் இடம் பிடிக்குமா தமிழக பாஜக?