மு.க.ஸ்டாலினுக்கு ஆதரவாக புதுக்கோட்டை து.செ. ராஜேஸ்வரி ராஜினாமா

Published: Sunday, May 18, 2014, 16:43 [IST]

Subscribe to Oneindia Tamil

புதுக்கோட்டை: கட்சிப் பொறுப்புகளிலிருந்து விலகுவதாக மு.க.ஸ்டாலின் கூறியுள்ளதாக செய்திகள் வெளியாகியுள்ள நிலையில் அவருக்கு ஆதரவு தெரிவித்து புதுக்கோட்டையில் சிலர் பதவி விலகியுள்ளனர்.

மு.க.ஸ்டாலின், தேர்தல் தோல்விக்கு பொறுப்பேற்று ராஜினாமா செய்வதாக வெளியான தகவலையடுத்து, நாங்களும் எங்கள் கட்சி பதவியை ராஜினாமா செய்கிறோம் என்று புதுக்கோட்டை மாவட்ட திமுக துணை செயலாளர் ராஜேஸ்வரி கட்சியின் மாவட்ட அலுவலகத்தில் கடிதம் கொடுத்துள்ளார்.

அதனைத் தொடர்ந்து ஒன்றிய, நகர, பேரூர் நிர்வாகிகள் கூண்டோடு ராஜினாமா செய்வதாக மாவட்ட கட்சி அலுவலகத்தில் கடிதம் கொடுத்துள்ளனர். இதுகுறித்து செய்தியாளர்களிடம் பேசிய ராஜேஸ்வரி, ஜனநாயக முறைப்படி நாங்கள் தேர்தலை சந்தித்தோம். இருப்பினும் திமுக தோல்வியை சந்தித்தது வருத்தம் அளிக்கிறது என்றார்.

Published On May 18, 2014