'புரட்சி தோழி'- சசிகலாவுக்கு அதிமுகவினர் தந்த பட்டம்! சென்னையில் போஸ்டர்கள் கிழிப்பு!!
சசிகலாவை அதிமுகவினர் புரட்சி தோழி என அழைக்கத் தொடங்கியுள்ளனர். சென்னையில் சசிகலா போஸ்டர்களும் கிழிக்கப்பட்டுள்ளன.
சென்னை: அதிமுக தலைமையை ஏற்க தயாராகி வரும் சசிகலாவுக்கு புரட்சி தோழி என்ற பட்டத்தை சூட்டியியிருக்கிறார்கள் அதிமுகவினர். அதே நேரத்தில் சென்னையில் சில இடங்களில் சசிகலாவுக்கு ஆதரவு தெரிவிக்கும் போஸ்டர்கள் கிழிக்கப்பட்டுள்ளன.
ஜெயலலிதா மறைவைத் தொடர்ந்து அதிமுகவின் அடுத்த தலைமை யார் என்ற கேள்வி எழுந்துள்ளது. அதிமுக நிர்வாகிகள் சசிகலாவை முன்னிறுத்தினாலும் தொண்டர்கள் அதை ஏற்க மறுத்து வருகின்றனர்.
சென்னையில் ஜெயலலிதா படத்தைவிட பெரிதாக சசிகலா படம் அச்சிடப்பட்டிருந்த போஸ்டரை அதிமுக தொண்டர்கள் கிழித்து எறிந்தனர். இதனிடையே ஜெயங்கொண்டம் பகுதியில் சசிகலாவுக்கு 'புரட்சி தோழி' என்ற பட்டம் கொடுத்து அதிமுகவினர் போஸ்டர் ஒட்டி பரபரப்பை ஏற்படுத்தியுள்ளனர்..
ஏற்கனவே சின்னம்மா, அம்மாவின் ஆளுமையே என்றெல்லாம் சசிகலாவை அதிமுகவினர் அழைத்தும் வருகின்றனர். அதே நேரத்தில் சமூக வலைதளங்களில் சசிகலா தலைமையை ஏற்க முடியாது என அதிமுக தொண்டர்கள் தொடர்ந்தும் பதிவிட்டு வருகின்றனர். ஜெயலலிதா மறைவுக்கே சசிகலாதான் காரணம் எனவும் அதிமுகவினர் விமர்சித்து வருகின்றனர்.
Click it and Unblock the Notifications
Sign in with Google