வீக்எண்ட்டில் திருவனந்தபுரத்தில் ஒன்றுகூடிய சீனியர் ப்ளஸ் ஜூனியர் நடிகைகள்-வைரலாகும் படங்கள் #radika

சென்னை: திருவனந்தபுரத்தில் திரைப்பட நடிகைகள் லிஸி, ஜோதிகா, ராதிகா, அமலா, தபு, ஸ்ரீப்ரியா உள்ளிட்டோர் ஒன்று கூடி வார இறுதியை மகிழ்ச்சியாக கொண்டாடிய படங்கள் சமூக வலைதளங்களில் வைரலாக பகிரப்பட்டு வருகிறது.

நடிகை ராதிகா தம்முடைய ட்விட்டர் பக்கத்தில் நேற்று முதல் நடிகைகளுடன் திருவனந்தபுரத்தில் இருக்கும் படங்களை தொடர்ச்சியாக வெளியிட்டு வருகிறார். இது ஃபேஸ்புக், ட்விட்டரில் அதிகமாக ஷேர் செய்யப்படுகிறது.

திருவனந்தபுரத்தில்...

ராதிகாவின் நேற்றைய பதிவில் தன்னுடைய தோழி வீட்டு திருமணத்துக்காக திருவனந்தபுரம் சென்றிருப்பதாக பதிவிட்டு படம் ஒன்றை வெளியிட்டிருந்தார். அதில் நடிகை ஸ்ரீபிரியா உள்ளிட்டோர் இருந்தனர்.

செல்பி படம்

இன்று மற்றொரு செல்பி படத்தை ராதிகா வெளியிட்டார். இதில் நடிகை ஸ்ரீபிரியா உள்ளிட்ட சீனியர் நடிகைகள் இடம்பெற்றிருந்தனர்.

ஒய்யாரமாக கேரளா சேலையில்...

ஸ்ரீபிரியாவும் ராதிகாவும் ஒரே நேரத்தில் ட்விட்டரில் 2 படங்களை பதிவிட்டுள்ளனர். இதில் நடிகைகள் லிஸி, ராதிகா, அமலா, தபு, ஸ்ரீப்ரியா அனைவரும் ஒய்யாரமாக கேரளாவுக்கே உரித்தான சேலையில் காட்சியளிக்கின்றனர்.

திருமணத்துக்காக..

ஸ்ரீபிரியா தம்முடைய பதிவில் "Lalitha Padmini Ragini Amma's grandson Varun's wedding-" என்ற தலைப்பில் இப்படத்தை பதிவிட்டுள்ளார். திருவனந்தபுரத்தில் ரிசார்ட் ஒன்றில் இந்த படங்கள் எடுக்கப்பட்டுள்ளன.

English summary

Radhika, Sripriya and Tamil actress attended a marriage function at Thiruvananthapuram.