23 மில்லியன் பயணிகள்… 23 பில்லியன் வருமானம்: இந்திய ரயில்வே ஒரு பார்வை

By Mayura Akilan

Updated: Thursday, February 26, 2015, 17:19 [IST]

Subscribe to Oneindia Tamil

சென்னை: இந்தியன் ரயில்வே 12,617 ரயில் வண்டிகள் வழியாக 23 மில்லியன் பயணிகளை ஒவ்வொரு நாளும் பயணிக்க வைக்கிறது. இது ஆஸ்திரேலியா நாட்டின் மக்கள் தொகைக்கு சமமானது. இந்த வண்டிகள் 7,172 நிலையங்களை இணைக்கின்றன.

மூன்று மில்லியன் டன் சரக்கும் இந்தியன் ரயில்வே 7,421 வண்டிகளின் மூலமாக ஒவ்வொரு நாளும் கொண்டு செல்கின்றன.

Railway Budget 2015: Indian Railways in numbers

இந்தியாவில் உள்ள ரயில்வே தண்டவாளத்தில் மொத்த நீளம் 1.16 லட்சம் கிலோ மீட்டர், ரயில்வே பெட்டிகளின் மொத்த எண்ணிக்கை 63870, ரயில்வே தொழிலாளர்களின் எண்ணிக்கை 13.1 லட்சம்.

தற்போது செயல்பாட்டில் உள்ள, 359 முக்கிய ரயில்வே திட்டங்களை முடிக்கவே, 1.82 லட்சம் கோடி ரூபாய் தேவை. இந்த, 359 திட்டங்களில், 113 திட்டங்கள், புதிய ரயில் பாதைகள் அமைப்பது, மீட்டர் கேஜ் பாதைகளை, அகல ரயில் பாதைகளாக மாற்றுவது, இரட்டை ரயில் பாதைகள் திட்டம் போன்றவை.

கடந்த 30 ஆண்டுகளில் ஒப்புதல் அளிக்கப்பட்ட 676 திட்டங்களில் இது வரை 317 திட்டங்கள் மட்டுமே நிறைவேற்றப்பட்டுள்ளன. நிறைவேற்றியுள்ள திட்டங்களின் மதிப்பு மட்டும் 1.58 லட்சம் கோடி ரூபாயாகும்.

நிலக்கரி,உணவுப் பொருள் உள்ளிட்ட அத்தியாவசிய பொருட்கள் உள்ளிட்ட சரக்குப் பொருட்கள் மட்டும் ஒரு நாளைக்கு 2.65 மில்லியன் டன் ரயில்வே துறையால் கையாளப்படுகிறது.

சரக்கு கட்டணங்களில் இருந்து கிடைக்கும் வருவாயை வைத்து, பயணிகளுக்கான கட்டண மானியத்தால் ரயில்வே துறைக்கு ஆண்டொன்றுக்கு 26000 கோடி ரூபாய் இழப்பை ஈடு செய்கிறது மத்திய அரசு

ரயில்வே துறை தனது வருவாயில் ஒரு ரூபாயில் எரிபொருள், ஊதியம், பென்சன், பராமரிப்பு போன்ற செலவுகளுக்கு 94 பைசா செலவாகிறது. ஆறு பைசா மட்டும்தான் மீதியுள்ளது. இந்தியா சுதந்திரம் அடைந்தது முதல் ஆண்டுதோறும் 200 கி.மீ தூரத்திற்கு கூடுதல் ரயில் பாதைகள் அமைக்கப்பட்டுள்ளன. நாட்டில் ஒட்டுமொத்தமாக உள்ள 64,460 கி.மீ ரெயில் பாதையில், கடந்த 67 வருடங்களில் 13000 கி.மீ தூரத்திற்கு ரயில் பாதைகள் கூடுதலாக இணைக்கப்பட்டுள்ளன. இது உலகின் 4 ஆ வது மிகப்பெரிய ரயில்பாதையாகும்.எனினும் சீனாவின் 1 லட்சம் கி.மீ ரயில் பாதையை விட மிகக்குறைவானதாகும்.