சென்னையில் இன்றும் மழைக்கு வாய்ப்பு

சென்னை: வெப்பசலனம் காரணமாக சென்னை உள்ளிட்ட பல பகுதிகளில் மழை பெய்து வருகிறது என்று வானிலை மையம் தெரிவித்துள்ளது.

சென்னையில் நேற்று இரவு மீனம்பாக்கம், நுங்கம்பாக்கம், வளரசரவாக்கம், தாம்பரம், குரோம்பேட்டை, பல்லாவரம் உள்ளிட்ட பல்வேறு பகுதிகளில் மழை பெய்தது.

இரவு பெய்த மழை காரணமாக பல்வேறு பகுதிகளிலும் தண்ணீர் தேங்கியுள்ளது. இன்று காலையிலும் பல பகுதிகளில் மழை தூறியபடி உள்ளது. இதனால் மழைக்கால சூழ்நிலையை சென்னைவாசிகள் உணர்கிறார்கள்.

இதுகுறித்து வானிலை இலாகா அதிகாரி ஒருவர் கூறுகையில், தமிழகத்தில் இன்றும் ஒரு சில இடங்களில் மழை பெய்ய வாய்ப்புள்ளது. சென்னையில் ஒரு சில இடங்களில் மழையும், இடியுடன் கூடிய கன மழையும் பெய்யக்கூடும். வானம் பொதுவாக, மேகமூட்டத்துடன் காணப்படும்.

கடந்த 24 மணி நேரத்தில் அதிகபட்சமாக மீனம்பாக்கத்தில் 5 செ.மீ. மழையும், நுங்கம்பாக்கத்தில் 1.7 செ.மீ மழையும் பதிவாகியுள்ளது.

English summary

Rain will continue in Chennai on today, says weatherman.