தமிழகத்தில் இன்று மழைக்கு வாய்ப்பு.... வானிலை ஆய்வு மையம்
சென்னை: தமிழகத்தில் இன்று மழைக்க்ய் வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.
கேரளாவில் தென்மேற்கு பருவமழை தீவிரம் அடைந்துள்ளது. இதனால் தமிழகத்தில் மேற்கு தொடர்ச்சி மலையை ஒட்டியுள்ள பகுதிகளிலும், வெப்பச்சலனம் காரணமாக பிற பகுதிகளிலும் அவ்வப்போது மழை பெய்து வருகிறது.
இந்தநிலையில் இன்று தமிழகத்தில் மழை பெய்யும் என்று வானிலை ஆய்வு மையம் தெரிவித்துள்ளது.
இதுகுறித்து வானிலை ஆய்வு மைய அதிகாரிகள் கூறுகையில், வெப்பச்சலனம் காரணமாக தமிழகம் மற்றும் புதுச்சேரியில் அடுத்த 24 மணி நேரத்தில் ஓரிரு இடங்களில் மழை பெய்ய வாய்ப்பு உள்ளது. சென்னையில் வானம் மேகமூட்டத்துடன் காணப்படும். மாலை அல்லது இரவு நேரங்களில் ஓரிரு இடங்களில் மழை பெய்ய வாய்ப்பு உள்ளது.
தரைக்காற்று வழக்கத்துக்கு மாறாக பலமாக வீசும். தென்மேற்கில் இருந்து மேற்கு நோக்கி கடல்காற்று 45 முதல் 55 கி.மீ. வேகத்தில் வீசும் என்பதால் மீனவர்கள் கடலுக்குள் மீன்பிடிக்க செல்லும்போது கவனத்துடன் செல்லவேண்டும் என்றனர்.
Click it and Unblock the Notifications
Sign in with Google