'கபாலி' படத்துக்கு எதிர்ப்பு...சென்னையில் ரஜினிகாந்த் உருவபொம்மையை எரித்து போராட்டம்!!

சென்னை: நடிகர் ரஜினிகாந்த் நடிப்பில் வெளியாகும் கபாலி திரைப்படத்துக்கு எதிர்ப்பு தெரிவித்து சென்னையில் இன்று போராட்டம் நடத்தப்பட்டது. இந்தப் போராட்டத்தின் போது ரஜினிகாந்த் உருவபொம்மை எரிக்கப்பட்டது.

ரஜினிகாந்த்-ராதிகா ஆப்தே மற்றும் பலர் நடிப்பில் உருவாகியிருக்கும் 'கபாலி' திரைப்படம் நாளை மறுநாள் உலகம் முழுவதும் வெளியாகவுள்ளது.

இந்நிலையில் ரஜினிகாந்த்துக்கு எதிராக ஏழை, எளியோர் மற்றும் நடுத்தர சங்கத்தினர் சென்னை வேளச்சேரியில் நடத்திய போராட்டத்தில், ரஜினியின் உருவபொம்மையை எரித்து தங்கள் எதிர்ப்பை வெளிப்படுத்தினர்.

தமிழக மீனவர் பிரச்சினைக்கு ரஜினி குரல் கொடுக்கவில்லை. அரசியலுக்கு வருவதுபோல பேசி இளைஞர்களைக் குழப்புகிறார் என பல்வேறு குற்றச்சாட்டுகளையும் ரஜினி மீது சுமத்தினர்.

இது தொடர்பாக ரஜினி மீது மோசடி வழக்கு பதிவு செய்யவும் வலியுறுத்தியுள்ளனர். 'கபாலி' வெளியாகவுள்ள சூழ்நிலையில் நடைபெற்ற இந்த போராட்டம் திரையுலகில் அதிர்வலைகளை ஏற்படுத்தியுள்ளது.

English summary

The Poor and Middle-Union Struggle in Chennai Velachery against Rajinikanth.