என்ன கொடுமை சரவணன் இது...
நடிகர் ரஜினிகாந்துக்காக அவரது ஆதரவாளர்கள் வைத்துள்ள பேனர் சமூக வலைதளங்களில் பெரிதும் பகிரப்பட்டு வருகிறது.
Recommended Video
சென்னை: நடிகர் ரஜினிகாந்துக்காக அவரது ஆதரவாளர்கள் வைத்துள்ள பேனர் சமூக வலைதளங்களில் பெரிதும் பகிரப்பட்டு வருகிறது.
நடிகர் ரஜினிகாந்த் தனது அரசியல் அறிவிப்பை அண்மையில் அறிவித்தார். இதைத்தொடர்ந்து கட்சிக் கொடி, சின்னம் உள்ளிட்டவைகளை தயாரிக்கும் பணி தீவிரமாக நடைபெற்று வருகிறது.
மேலும் கட்சி நிர்வாகிகளை நியமிக்கும் பணியும் ஒருபக்கம் ஜரூராக நடைபெற்று வருகிறது. ரஜினி ஆன்மீக அரசியலை முன்னெடுத்து செல்லவுள்ளதாக அறிவித்துள்ளார்.
விதவிதமாக பேனர்
அவரது ஆன்மீக அரசியல் குறித்து பல்வேறு கட்சியினரும் விமர்சித்தனர். ரஜினிக்கு ஆதரவு தெரிவித்து அவரது ஆதரவாளர்கள் விதவிதமாக பேனர்களை வைத்து வருகின்றனர்.
|
ஆன்மீக பெரியாரே
இந்நிலையில் மதுரை திருப்பரங்குன்றத்தில் ஆன்மீக பெரியாரே எனக் கூறி ரஜினியின் ஆதரவாளர்கள் பேனர் வைத்துள்ளனர். அந்த பேனரில் ரஜினிக்கும் பெரியார் கெட்டப் போடப்பட்டுள்ளது.
தமிழன்தான் ஆளனும்
ரஜினி ஆன்மீக அரசியலை கையிலெடுப்பதாக அறிவித்ததை தொடர்ந்து அவரது பின்னால் பாஜக இருப்பதாக விமர்சிக்கப்பட்டது. மேலும் தமிழகத்தை தமிழன் தான் ஆளவேண்டும் என்றும் கருத்துகள் எழுந்தன.
பெரியார் குறித்து சர்ச்சை
இந்நிலையில் பெரியாருக்கு ஈடாக ரஜினிக்கு பெரியார் வேடமிட்டு, அவர் முற்றிலும் எதிர்த்த ஆன்மீகத்தை வைத்து ஆன்மீக பெரியாரே என சித்தரித்துள்ளனர். ஏற்கனவே தமிழகத்தில் கடந்த சில நாட்களாக பெரியார் குறித்து சர்ச்சை எழுந்து வருகிறது குறிப்பிடத்தக்கது.
Click it and Unblock the Notifications
Sign in with Google