கபாலி மாபெரும் வெற்றி... ரசிகர்கள், படக் குழுவினருக்கு ரஜினி நன்றி ப்ளஸ் "மகிழ்ச்சி"!

சென்னை: கபாலி திரைப்படத்தை வெற்றிப் படமாக்கிய ரசிகர்களுக்கு நடிகர் ரஜினி தனது நன்றிகளைத் தெரிவித்துள்ளார்.

லிங்கா படத்தைத் தொடர்ந்து ரஜினி நடித்த படம் கபாலி. பா.ரஞ்சித் இயக்கிய இப்படத்தை கலைப்புலி எஸ்.தாணு தயாரித்திருந்தார்.

கடந்த வெள்ளியன்று ரிலீசான இப்படம் உலகம் முழுவதும் நல்ல வசூலைத் தந்து வருகிறது.

சென்னை திரும்பினார்...

கபாலி படவேலைகள் முடிந்ததும் அமெரிக்கா பறந்த ரஜினி கடந்த ஞாயிறன்று இரவு சென்னை திரும்பினார். விமான நிலையத்தில் அவருக்கு ரசிகர்கள் உற்சாக வரவேற்பு அளித்தனர்.

நன்றி...

இந்நிலையில், கபாலி படத்தை வெற்றிப்படமாக்கிய ரசிகர்களுக்கு ரசிகர்களுக்கு அவர் நன்றி தெரிவித்துள்ளார். அதோடு, ரஞ்சித், தாணு உள்ளிட்ட படக்குழுவினருக்கும் அவர் தனது நன்றிகளைத் தெரிவித்துள்ளார்.

தற்போது நலம்...

கபாலி படத்தில் ஓய்வில்லாமல் நடித்ததால் உடலுக்கும், மனதிற்கும் ஓய்வு தேவைப்பட்டதாக தெரிவித்துள்ள ரஜினி, தற்போது இரண்டு மாத ஓய்விற்குப் பின் ஆரோக்கியமாக தாயகம் திரும்பியுள்ளதாக அவர் மகிழ்ச்சியுடன் கூறியுள்ளார்.

'#கபாலி' சரித்திர வெற்றி... ரஜினியின் முழு அறிக்கை இதோ! https://t.co/Gf7kmvyW3I #Kabali pic.twitter.com/6uTlh9VUBy

— Oneindia Tamil (@thatsTamil) July 26, 2016

வெற்றிச் செய்தி...

மேலும், அமெரிக்காவில் இருந்தபடியே கபாலி படத்தின் வெற்றிச் செய்தியாக கேள்வி பட்டதாகவும், தற்போது நேரில் அதனைக் கண்டிருப்பதாகவும் அவர் தெரிவித்துள்ளார்.

English summary

Superstar Rajini has thanked fans for the supporting for the movie Kabali.