கருணாநிதியை சந்திக்க வரும் ரஜினி.. டேராடூனில் இருந்து சென்னை புறப்பட்டார்

திமுக தலைவர் கருணாநிதியை சந்திக்க நடிகர் ரஜினிகாந்த் இன்று சென்னை வருகிறார்.

சென்னை: காவேரி மருத்துவமனையில் சிகிச்சை பெறும் திமுக தலைவர் கருணாநிதியை சந்திக்க நடிகர் ரஜினிகாந்த் இன்று சென்னை வருகிறார்.

திமுக தலைவர் கருணாநிதி தற்போது காவேரி மருத்துவமனையில் சிகிச்சை பெற்றுக்கொண்டு இருக்கிறார். அவருக்கு இரத்த அழுத்த பிரச்சனை மற்றும் சிறுநீரக நோய் தொற்று ஏற்பட்டுள்ளது. இதற்காக அவர் சிகிச்சை பெற்றுவருகிறார்.

தீவிர சிகிச்சைகளுக்கு பின் கருணாநிதியின் உடல்நிலை தற்போது இயல்புநிலையை அடைந்துள்ளது. நேற்று முழுக்க அவரது உடல்நிலை சீராக இருந்தது. நேற்று முதல்நாள் இரவு திமுக தலைவர் கருணாநிதிக்கு திடீர் என்று உடலில் பிரச்சனை ஏற்பட்டது. மீண்டும் அவரது உடல்நிலை குணமானது.

அவரை தொடர்ந்து அரசியல் தலைவர்கள் சந்தித்து வருகிறார்கள். இந்தநிலையில் கருணாநிதியை சந்திக்க நடிகர் ரஜினிகாந்த் இன்று சென்னை வருகிறார்.

டேராடூனில் படிப்பிடிப்பை முடித்த ரஜினி இன்று சென்னை வருகிறார். அவர் கார்த்திக் சுப்புராஜ் இயக்கத்தில் இன்னும் பெயர் சூட்டப்படாத படத்தில் நடித்து வருகிறார்.

ஏற்கனவே கருணாநிதியின் உடல்நிலை குறித்து ரஜினி ஸ்டாலினிடம் போன் மூலம் விசாரித்தார். தற்போது நேரடியாக கருணாநிதியை பார்க்க காவேரி மருத்துவமனைக்கு வருகிறார்.

English summary

Rajinikanth will meet DMK leader Karunanidhi today in Kauvery hospital.