அட, ரஜினி கட்சி தொடங்க மாட்டாருங்க.. அடித்துச் சொல்கிறாரே தங்கத் தமிழ்ச்செல்வன்!

ரஜினி இப்போதைக்கு கட்சி தொடங்கமாட்டார் என்று டி.டி.வி தினகரன் ஆதரவாளர் தங்கத் தமிழ்ச்செல்வன் தெரிவித்து உள்ளார்.

By Mohan Prabhaharan

Published: Friday, January 26, 2018, 15:37 [IST]

Subscribe to Oneindia Tamil

மதுரை : ரஜினியும் கமலும் அரசியலுக்கு வருவதை நாங்கள் வரவேற்கிறோம். ஆனால், நடப்பதை எல்லாம் வைத்துப் பார்த்தால் ரஜினி நிச்சயம் கட்சி ஆரம்பிக்கமாட்டார் என்று டி.டி.வி தினகரன் ஆதரவாளர் தங்கத் தமிழ்ச்செல்வன் தெரிவித்து உள்ளார்.

டி.டி.வி தினகரன் அணி சார்பில் மதுரையில் மொழிப்போர் தியாகிகள் வீர வணக்கநாள் பொதுக்கூட்டம் நடந்தது. இதில் டி.டி.வி தினகரன் ஆதரவாளர் தங்கத் தமிழ்ச்செல்வன் கலந்து கொண்டு உரையாற்றினார்.

அப்போது, இன்றைக்கு தமிழ்நாட்டில் நிர்வாக திறமையற்ற கூட்டம் ஒன்று ஆட்சி நடத்தி வருகிறது. இன்னும் எத்தனை நாள் இந்த ஆட்சி நடக்கும் என்று சொல்ல முடியாது. மக்களே வெகுண்டு எழுந்து அவர்களை விரட்டும் அளவிற்கான விஷயங்களை அவர்கள் செய்து வருகிறார்கள்.

தோல்வியை ஒப்புக்கொள்ளவில்லை

ஆர்.கே. நகர் தொகுதியில் ஓட்டுக்கு ரூ. 6 ஆயிரம் கொடுத்து டெபாசிட் வாங்கிய எடப்பாடி அணியினர் இன்னும் தோல்வியை ஒப்புக்கொள்ளவில்லை. கொஞ்சம் அசந்து விட்டோம் என்கிறார்கள். கழகப் பொதுச் செயலாளர் சசிகலா, துணைப் பொதுச் செயலாளர் டி.டி.வி தினகரன் ஆகியோரது காலில் விழுந்து பதவி வாங்கியவர்கள் எல்லாம் இன்றைக்கு நம்மை துரோகி என்கிறார்கள். இதற்கு மக்கள் விரைவில் தக்க பாடம் புகட்டுவார்கள். தினகரன் ஆட்சி அமையப்போவது உறுதி.

அதிமுகவை விமர்சிக்கும் பாஜக

ஆர்.கே.நகரில் தினகரன் வெற்றி பெற்று விட்டதால் மத்திய பாஜக அரசும், எடப்பாடி அணிக்கு இப்போது ஒத்துழைப்பு கொடுப்பதில்லை. அவர்களுக்கும் அது தெரிந்தவிட்டது. இவர்களுக்கு மக்களிடமும் செல்வாக்கு இல்லை என்பதை தெரிந்து கொண்ட பாஜகவினர் இப்போது கிடைக்கும் வாய்ப்புகளில் எல்லாம் தமிழக அரசை விமர்சிக்க தொடங்கி விட்டனர்.

யார் வேண்டுமானாலும் வரலாம்

ரஜினி, கமல் அரசியலுக்கு வரப்போவதாக தெரிவித்துள்ளனர். இன்றைக்கு தமிழ்நாட்டில் அதைப்பற்றி தான் அனைவரும் விவாதித்து வருகின்றனர். யார் வேண்டுமானாலும் அரசியலுக்கு வரலாம். ஆனால் வெற்றி பெறுவார்களா என்பதை மக்கள் தான் தீர்மானிக்க வேண்டும். நடிகர்கள் அரசியலுக்கு வருவது தற்போது பேஷன் ஆகிவிட்டது.

ரஜினியின் அரசியல் ஆலோசனை

ஆனால் இப்போதைக்கு ரஜினியின் ஆலோசகர் குஜராத் தேர்தல், 2 ஜி அலைக்கற்றை வழக்கு, ஆர்.கே.நகர் தேர்தல் தொடர்பாக ரஜினிக்கு வழங்கிய யோசனைகள் எல்லாம் தோல்வியில் முடிந்துள்ளன. இத்னால், கட்சி தொடங்குவது குறித்து ரஜினி யோசித்து வருகிறார். எனவே ரஜினி இப்போதைக்கு அரசியல் கட்சி தொடங்க மாட்டார் என்று தங்கத் தமிழ்ச்செல்வன் குறிப்பிட்டு உள்ளார்.

Published On January 26, 2018