மருத்துவ பரிசோதனைக்காக ரஜினி ஜூலையில் அமெரிக்கா பயணம்!
மருத்துவ பரிசோதனைக்காக ரஜினிகாந்த் ஜூலையில் அமெரிக்கா செல்ல இருக்கிறார்.
சென்னை: மருத்துவ பரிசோதனைக்காக நடிகர் ரஜினிகாந்த் அடுத்த மாதம் 20-ந் தேதி அமெரிக்கா செல்ல இருப்பதாக தகவல்கள் வெளியாகி உள்ளன.
ரஜினிகாந்த் தனிக்கட்சி தொடங்கி தீவிர அரசியலில் இறங்க திட்டமிட்டுள்ளார். இதற்கான ஆலோசனைகளில் ரஜினிகாந்த் மும்முரமாக ஈடுபட்டுள்ளார்.
இன்று மும்பை பயணம்
அரசியல் கட்சித் தலைவர்கள், அரசியல் பார்வையாளர்கள், பத்திரிகையாளர்கள் என பலரையும் ரஜினிகாந்த் சந்தித்து வருகிறார். இதனிடையே இன்று மும்பை சென்று காலா படப் பிடிப்பில் பங்கேற்கிறார் ரஜினி.
அடுத்த மாதம் அமெரிக்கா
இதனைத் தொடர்ந்து அடுத்த மாதம் அமெரிக்கா செல்ல ரஜினிகாந்த் திட்டமிட்டுள்ளார். அங்கு மருத்துவ பரிசோதனைகளை முடித்துவிட்டு ஜூலை 20-ந் தேதி சென்னை திரும்புகிறார் ரஜினி.
ஆகஸ்ட்டில் சென்னை சூட்டிங்
சென்னை திரும்பியதும் அரசியல் கட்சி தொடர்பான ஆலோசனைகளை நடத்துகிறார். ஆகஸ்ட் மாதம் முதல்வாரத்தில் சென்னையில் நடைபெறும் காலா படப்பிடிப்பில் அவர் பங்கேற்கிறார்.
தீம் பார்க் செட்
சென்னையை அடுத்த பூவிருந்தவல்லியில் தனியார் தீம் பார்க்கில் காலா படப்பிடிப்புக்காக பிரம்மாண்ட செட் அமைக்கும் பணி தற்போது நடைபெற்று வருகிறது. மும்பை தாராவி போல் இந்த செட் உருவாக்கப்பட்டு வருகிறது.