பாஜகவுக்கு பெப்பே.. என் வழி தனி வழி... தனிக் கட்சியில் ரஜினி திட்டவட்டம்!

பாரதிய ஜனதா விடுத்த அழைப்பை நடிகர் ரஜினிகாந்த் நிராகரித்துள்ளார். தனிக்கட்சி தொடங்குவதில் உறுதியாக உள்ள ரஜினிகாந்த் தீவிர ஆலோசனை நடத்தி வருகிறார்.

By Raj

Updated: Wednesday, May 24, 2017, 15:10 [IST]

Subscribe to Oneindia Tamil

சென்னை: பாரதிய ஜனதா கட்சி விடுத்த அழைப்பை நிராகரித்துவிட்டார் நடிகர் ரஜினிகாந்த். தனிக்கட்சி தொடங்குவதில் உறுதியாக இருப்பதுடன் இது தொடர்பாக தீவிர ஆலோசனைகளையும் மேற்கொண்டு வருகிறார் ரஜினிகாந்த்.

தமிழக அரசியலில் ஜெயலலிதா, கருணாநிதி போன்ற ஆளுமைகள் இல்லாத வெற்றிடம் உருவாகியுள்ளது. வலிமையான அரசியல் தலைவர் யாரும் இல்லாத சூழல் தமிழகத்தில் பல குழப்பங்களுக்கு வித்திட்டு வருகிறது.

பாஜக படுமும்முரம்

இதை பாரதிய ஜனதா கட்சி தமக்கு சாதகமாக்கிக் கொள்ள படுதீவிரமாக முயற்சித்து வருகிறது. இதற்காக நடிகர் ரஜினிகாந்தை வளைத்துப் போட பெரும் போராட்டமே நடத்தி வருகிறது பாஜக.

தனிக்கட்சியில் உறுதி

பாஜகவில் ரஜினிகாந்த் இணைந்தால் அவரை முதல்வர் வேட்பாளராக்கவும் அக்கட்சி முன்வந்தது. ஆனால் ரஜினிகாந்தோ தனிக்கட்சி தொடங்குவதில்தான் மும்முரமாக இருக்கிறார்.

இடைவிடாது ஆலோசனை

தனிக்கட்சி தொடங்கும்போது எதிர்கொள்ள வேண்டிய சவால்கள், எப்படி அவற்றை கையாள்வது என்பது குறித்து முக்கிய பிரமுகர்களிடம் ரஜினிகாந்த் ஆலோசனை நடத்தி வருகிறார். மூத்த பத்திரிகையாளர்கள், அரசியல் கட்சி தலைவர்கள் என பலரிடமும் தினமும் ஆலோசனை நடத்தி வருகிறார் ரஜினிகாந்த்.

உற்சாகத்தில் ரஜினிகாந்த்

இந்த சந்திப்புகளின் போது, இப்போதாவது நீங்கள் அரசியலில் இறங்க முடிவெடுத்தது நல்லது... இந்த சந்தர்ப்பத்தையும் நழுவ விடாதீர்கள் என பலரும் வலியுறுத்தியுள்ளனர். இது ரஜினிகாந்தை ரொம்பவே உற்சாகப்படுத்தியுள்ளதாம்.