புதிய இந்தியா பிறந்துள்ளது... மோடியின் அறிவிப்புக்கு நடிகர் ரஜினிகாந்த் வரவேற்பு!

மோடியின் அறிவிப்பால் புதிய இந்தியா பிறந்துள்ளதாக நடிகர் ரஜினிகாந்த் கூறியுள்ளார்.

சென்னை: ரூ500, ரூ1000 நோட்டுகளை செல்லாது என்று பிரதமர் நரேந்திர மோடி அதிரடியாக அறிவித்ததற்கு நடிகர் ரஜினிகாந்த் பாராட்டு தெரிவித்துள்ளார்.

கருப்புப் பணம் மற்றும் கள்ளநோட்டு புழக்கத்தை முடிவுக்கு கொண்டு வர அதிரடியாக ரூ500 மற்றும் ரூ1,000 நோட்டுகள் இனி செல்லாது என பிரதமர் மோடி அறிவித்தார். இதற்கு பதிலாக புதிய ரூ500, ரூ2,000 நோட்டுகள் நவம்பர் 10-ந் தேதி முதல் அறிமுகப்படுத்தப்பட உள்ளன.

பிரதமர் மோடியின் இந்த நடவடிக்கைக்கு பாராட்டும் மறுபுறம் விமர்சனங்களும் பாய்ந்து வருகின்றன. நடிகர் ரஜினிகாந்த் தம்முடைய ட்விட்டர் பக்கத்தில், பிரதமர் மோடியின் இந்த நடவடிக்கைக்குப் பாராட்டு தெரிவித்துள்ளார்.

Hats off @narendramodi ji. New india is born #JaiHind

— Rajinikanth (@superstarrajini) November 8, 2016

மேலும் மோடியின் அறிவிப்பால் புதிய இந்தியா பிறந்துள்ளதாகவும் ரஜினிகாந்த் 'மகிழ்ச்சி' தெரிவித்துள்ளார்.

சில ஆண்டுகளுக்கு முன்னர் ஷங்கர் இயக்கத்தில் ரஜினி நடித்த சிவாஜி படத்தில் ரூ500, ரூ1000 நோட்டுகளுக்கு மத்திய அரசு தடை விதிக்கும் போது கருப்புப் பணம் வெளியே வரும் என யோசனை தெரிவிக்கப்பட்டிருந்தது குறீப்பிட்டத்தக்கது.

English summary

Super Star Rajinikanth hailing PM Modi's announcement that Rs. 500 and Rs. 1000 notes will be discontinued from midnight tonight in his tweet page.