நோட்டாவை தவிர நோ ஆப்சன்ஸ்... ரஜினி + பாஜக + அதிமுக?
ரஜினிகாந்த் கூட்டணி வைக்க சாத்தியமான ஒரே ஒரு கட்சி பாஜகதான்.
Recommended Video
சென்னை: தமிழக அரசியலின் திசைவழி போக்கு புலப்படத் தொடங்கி இருக்கிறது. ஆனால் கட்சி தொடங்குவதாக சொன்ன ரஜினி, காலூன்றுவதாக சொன்ன பாஜக, இரட்டை குழல் துப்பாக்கி என கர்ஜித்த அதிமுக இந்த மூன்றும் மவுனிகளாக காய்நகர்த்தி வருகின்றன.
சட்டசபை தேர்தலில் போட்டியிட்டு எம்ஜிஆர் போல ஆட்சி வழங்குவேன் என சபதம் எடுத்தவர் ரஜினிகாந்த். ரஜினி மக்கள் மன்றத்தை வட அமெரிக்கா, கனடா வரை தொடங்குகிறார்.
ஆனால் கட்சி பெயர்தான் என்ன என்று அறிவிக்கவில்லை. ஒருவேளை அதை கேட்டால், ஒரு நிமிஷம் தலை சுற்றிவிட்டது என்பாரோ தெரியவில்லை. அவரது வருகைக்காகவும் தமிழக அரசியல் களம் காத்திருக்கிறது.
அதுவும் கர்நாடகாவைச் சேர்ந்த ஒருவர்தான் முதல்வர் என அரசியல் அதிமேதாவி சாருஹாசன் ஆருடம் கூறிவிட்டார். அதனால் ஆவலுடன் தமிழக மக்கள் அரியாசனம் தர ரஜினிகாந்துக்காக காத்திருக்கிறார்.
அவர் கட்சி பெயரை அறிவித்தாலும் அறிவிக்காவிட்டாலும் ஆன்மீக அரசியலுக்கு இயல்பான கூட்டணியாக இருக்கப் போவது பாஜகதான். அது நேரடியாகவோ மறைமுகமாகவோ இருக்கலாம். ஒருகாலத்தில் அதிமுகவையும் காங்கிரஸையும் இயற்கையான கூட்டணி கட்சிகள் என்பார்கள் அதுபோல ரஜினியும் பாஜகவும் இப்போது களத்தில் இருக்கின்றன.
தமிழக அரசியல் அதிமுக, திமுக அணிகள் என்கிற நிலைமை மாறிவிட்டது. அதிமுகவின் முதுகில் யார் சவாரி செய்வது என்பதைக் கூட பாஜகதான் தீர்மானிக்கும் நிலையில் குனிந்து முதுகைக் காட்டிக் கொண்டிருக்கிறது. பாஜக கண்ணசைவு காட்டும் பக்கம்தான் அதிமுக நல்ல பிள்ளையாக ஓடி உட்காரும்.
அதிமுகவும் பாஜகவும் நேரடி கூட்டணி கட்சிகளாகவும் மறைமுகமாக ரஜினிகாந்த் இந்த கூட்டணியை ஆதரிக்கவும்தான் அனேகமான வாய்ப்புகள் இருக்கின்றன. இந்த மூவரணி கூட்டணியாக முட்டிக் கொள்ள நோட்டாவைத் தவிர வேறு சுவர்களும் இல்லை என்பதே யதார்த்தமும் கூட.
Click it and Unblock the Notifications
Sign in with Google