வராதீங்க, வராதீங்க அரசியலுக்கு வராதீங்க... ரஜினி, கமலுக்கு மீண்டும் ஈ.வி.கே.எஸ். வேண்டுகோள்
ஈரோடு: ரஜினிகாந்தும், கமல் ஹாஸனும் அரசியலுக்கு வரக் கூடாது என்று தமிழக காங்கிரஸ் தலைவர் ஈ.வி.கே.எஸ். இளங்கோவன் தெரிவித்துள்ளார்.
அரசியல் பற்றியும் அதன் ஆழம் பற்றியும் தெரியும். அரசியலுக்கு வர பயப்படவில்லை, தயங்குகிறேன் என்று ஞாயிற்றுக்கிழமை சென்னையில் நடந்த லிங்கா இசை வெளியீட்டு விழாவில் சூப்பர் ஸ்டார் ரஜினிகாந்த் தெரிவித்தார்.
இந்நிலையில் இன்று ஈரோட்டில் செய்தியாளர்களை சந்தித்த தமிழக காங்கிரஸ் தலைவர் ஈ.வி.கே.எஸ். இளங்கோவன் கூறுகையில்,
தயவு செய்து அரசியலுக்கு வராதீர்கள் என்று சூப்பர் ஸ்டார் ரஜினிகாந்த் மற்றும் கமல் ஹாஸனை கேட்டுக் கொள்கிறேன். காவிரி ஆற்றின் குறுக்கே கர்நாடகா அணைகள் கட்ட திட்டமிட்டுள்ளதால் பல பிரச்சனைகள் ஏற்படும். இந்த திட்டத்தை எதிர்த்து தமிழக காங்கிரஸ் கட்சி போராட்டம் நடத்தும் என்றார்.
ரஜினி அனைவருக்கும் பொதுவானவர் அதனால் அவர் அரசியலுக்கு வரக் கூடாது என்று முன்பும் இளங்கோவன் தெரிவித்தார் என்பது குறிப்பிடத்தக்கது.
ரஜினி, கமல் வரக் கூடாது என்று கூறும் இளங்கோவன் நடிகர் கார்த்திக்கையும் வரக் கூடாது என்பாரா என தெரியவில்லை. ஏற்கனவே திமுகவில் இருந்த சிவாஜி கணேசன் காங்கிரஸுக்கு வந்தது தவறு என்றும் சொல்வாரா? இளங்கோவன். முன்னாள் பிரதமர் இந்திரா காந்தியின் மறைவுக்கு பிறகு சிவாஜி கணேசன் துவங்கிய
தமிழக முன்னேற்ற முன்னணியில் சேர்ந்தவர் ஈ.வி.கே.எஸ். இளங்கோவன் என்பது குறிப்பிடத்தக்கது.
Click it and Unblock the Notifications
Sign in with Google