இயக்குநர் ராஜூமுருகன் திடீர் திருமணம்..நீண்டகால தோழி பிரபல விஜே ஹேமா சின்ஹாவை மணந்தார்! #rajumurugan
சென்னை: தமிழ் திரைப்பட இயக்குநர் ராஜூ முருகன் இன்று காலை தனது நீண்டகால தோழியும், பிரபல தொகுப்பாளினியுமான ஹேமா சின்ஹாவை திருமணம் செய்து கொண்டார்.
குக்கூ, ஜோக்கர் உள்ளிட்ட வெற்றிப் படங்களைத் தந்தவர் ராஜு முருகன். இரண்டு படங்களே இயக்கியுள்ள போதும், தமிழில் முக்கிய இயக்குநர்கள் வரிசையில் இடம் பெற்றுள்ளார்.
இவரது ஜோக்கர் படத்திற்கு பல்வேறு தரப்பில் இருந்தும் பாராட்டுக்கள் குவிந்த வண்ணம் உள்ளன. தொடர்ந்து திரையரங்குகளில் அப்படம் வெற்றிகரமானதாக ஓடிக் கொண்டிருக்கிறது.
இந்நிலையில் இன்று காலை சென்னை பெசண்ட் நகர் முருகன் கோவிலில் இவரது திருமணம் எளிய முறையில் நடந்தது. ராஜூ முருகன் தனது நீண்ட கால தோழியான ஹேமா சின்ஹாவை திருமணம் செய்து கொண்டார்.
ஹேமா சின்ஹா முன்பு சன் மியூசிக் தொலைக்காட்சி சேனலில் பிரபல தொகுப்பாளினியாக இருந்தவர்.
இந்தத் திருமணத்தில் மனுஷ்ய புத்திரன் உள்ளிட்ட சிலர் மட்டும் கலந்து கொண்டனர் என்பது குறிப்பிடத்தக்கது.