ரூ.5 லட்சம் மதிப்புள்ள ஸ்கிரீனை பாலை ஊற்றி சேதப்படுத்திய அஜித் ரசிகர்கள்.. தியேட்டர் நிர்வாகம் வேதனை

நெல்லை: விவேகம் டீசர் ரிலீஸ் நிகழ்வை, நள்ளிரவில் பார்த்து ரசித்த அஜித் ரசிகர்கள், உணர்ச்சிவசப்பட்டு, ஸ்கீரின் பாலை ஊற்றியதால் சேதமாகிவிட்டதாக நெல்லையை சேர்ந்த ராம் முத்துராம் தியேட்டர் நிர்வாகம் சமூக வலைத்தளமான டிவிட்டரில் வேதனை தெரிவித்துள்ளது.

நெல்லையிலுள்ள ராம் முத்துராம் தியேட்டரில், திரைப்படத்தையும் தாண்டி, ரசிகர்களை ஈர்க்க புதுவகை டெக்னிக்குகள் கையாளப்படுவதுண்டு.

பெரிய நடிகர்களின் டிரைலர்கள், டீசர்கள் வெளியாகும்போது, அதையும் தியேட்டரில் வெளியிட்டு ரசிகர்களை கொண்டாட்ட மனநிலையில் வைப்பது இந்த தியேட்டர் வாடிக்கை.

விவேகம் டீசர்

இதேபோல இன்று அதிகாலை 12.01 மணிக்கு அஜித் நடித்த விவேகம் திரைப்படத்தின் டீசர் வெளியானதால், அதையும் லைவாக காட்டியது இந்த தியேட்டர். ரசிகர்களுக்கு இலவசம் என்ற அறிவிப்பையும் தியேட்டர் வெளியிட்டிருந்தது.

This is the actual damage pic.twitter.com/HPibqffQ4j

— Ram Muthuram Cinemas (@RamCinemas) May 11, 2017

அதிர்ந்த அரங்கம்

எதிர்பார்த்ததை போலவே நூற்றுக்கணக்கான ரசிகர்கள் குவிந்ததால், அரங்கமே ஆர்ப்பரித்தது. ஆனால் உணர்ச்சிவசத்தில், ரூ.5 லட்சம் மதிப்புள்ள ஸ்கீரினில் ரசிகர்கள் சிலர் பாலாபிஷேகம் செய்துவிட்டனராம்.

Milk abishegam on the 5 Lakh silver screen during the teaser launch. We are giving full freedom to celebrate & in return we got this. Thanks

— Ram Muthuram Cinemas (@RamCinemas) May 11, 2017

போச்சே, போச்சே

இதுகுறித்து, ராம்முத்துராம் தியேட்டர் நிர்வாகம் இன்று வெளியிட்டுள்ள டிவிட்டில், "ரூ.5 லட்சம் மதிப்புள்ள சில்வர் ஸ்கிரீனில் பால் அபிஷேகம் செய்துவிட்டனர். நாங்கள் முழு சுதந்திரம் கொடுத்தோம். பதிலுக்கு நாங்கள் இதை பெற்றுள்ளோம். நன்றி" என வேதனை தொனியில் குறிப்பிடப்பட்டுள்ளது.

சரி செய்யும் பணி தீவிரம்

மேலும், வெள்ளிக்கிழமையான நாளைக்குள், ஸ்கிரீன் சரி செய்யப்படும் என நம்புவதாகவும் அந்த தியேட்டர் நிர்வாகம் தெரிவித்துள்ளது. மேலும் ஸ்கிரீன் போட்டோவையும் வெளியிட்டுள்ளது.

கலாய்ப்பு

இதனிடையே இந்த தகவல் மீண்டும் ரசிக சண்டைக்கு வழி வகுத்துள்ளது. மிக விரைவாக அதிக ரசிகர்களை ஈர்த்த டீசர் என்ற சாதனையை விவேகம் டீசர் ஈட்டியது. ஆனால் நெல்லை ரசிகர்களின் செயலால், இப்போது அஜித் ரசிகர்களை பிற நடிகர்களின் ரசிகர்கள் சமூக வலைத்தளங்களில் கலாய்க்க ஆரம்பித்துள்ளனர்.

English summary

"Milk abishegam on the 5 Lakh silver screen during the teaser launch. We are giving full freedom to celebrate & in return we got this. Thanks', Twitted by Ram Muthuram Cinema theatre.