மருத்துவமனைக்கு சென்று கருணாநிதி உடல் நலம் விசாரித்த ராமதாஸ்

திமுக தலைவர் கருணாநிதி உடல் நலம் குறித்து பாமக நிறுவனர் ராமதாஸ் நேரில் சென்று விசாரித்தார்.

சென்னை: திமுக தலைவர் கருணாநிதி உடல் நலம் குறித்து விசாரிப்பதற்காக, பாமக நிறுவனர் ராமதாஸ் காவிரி மருத்துவமனைக்கு நேரடியாக சென்றார்.

திமுக தலைவர் கருணாநிதி கடந்த 15ம் தேதி இரவு முதல், சென்னை காவிரி மருத்துவமனையில் சிகிச்சை பெற்று வருகிறார். 17ம் தேதி காங்கிரஸ் துணை தலைவர் ராகுல் காந்தி அவரை நேரில் சந்தித்து உடல் நலம் விசாரித்தார்.

இந்த நிலையில், பாமக நிறுவனர் ராமதாஸ், இன்று காவிரி மருத்துவமனைக்கு சென்று, கருணாநிதி உடல் நலம் குறித்து விசாரித்துள்ளார். இவ்விரு கட்சிகளும் எதிரும், புதிருமாக உள்ள நிலையிலும் இந்த சந்திப்பு நடந்ததாக கூறப்படுகிறது. இதேபோல இயக்குநர் எஸ்.ஏ.சந்திரசேகரும், காவிரி மருத்துவமனைக்கு சென்று கருணாநிதியின் உடல் நலம் குறித்து விசாரித்தார்.

English summary

PMK founder Ramadoss visits Kauvery hospital to enquire about DMK Chief Karunanidhi.