ராம மோகன் ராவின் பெர்சனல் பக்கங்கள்... தோழி லலிதா எங்கே?- தேடுதல் வேட்டை
ராம மோகன் ராவின் தோழி லலிதா எங்கே இருக்கிறார் என்று இப்போது தேடத் தொடங்கியுள்ளனர்.
சென்னை: ராமமோகன ராவ் கைது நடவடிக்கையில் இருந்து தப்பிக்கவே மருத்துவமனையில் அனுமதிக்கப்பட்டுள்ளதாக தகவல் வெளியாகியுள்ளளது. எல்லோருக்கும் ஒரு பெர்சனல் பக்கம் இருக்கும். ராம மோகன் ராவிற்கும் ஒரு பெர்சனல் பக்கம் உள்ளது. அவர்தான் தோழி லலிதா என்ற தகவல் வெளியாகியுள்ளது.
முன்னாள் தலைமை செயலாளர் ராம மோகன் ராவின் வீட்டில் 25 மணி நேரம் நடத்தப்பட்ட சோதனையில் பல முக்கிய ஆவணங்கள கைப்பற்றப்பட்டன.
18 லட்சம் ரூபாய் அளவுக்கு புதிய 2000 ரூபாய் நோட்டுக்கள் கைப்பற்றப்பட்டன. 6 லட்ச ரூபாய் அளவிற்கு பழைய ரூபாய் நோட்டுகள் கைப்பற்றப்பட்டன. மேலும் ஏராளமான தங்கம், வெள்ளிப் பொருட்கள் மற்றும் விலை மதிப்பு மிக்க பரிசுப் பொருட்கள் கைப்பற்றப்பட்டன.
இவற்றின் மதிப்பு கணக்கிடப்பட்டு வருவதாக வருமான வரித்துறையினர் கூறியிருக்கிறார்கள். பரிசுப் பொருட்கள் யாருக்குச் சொந்தமானவை யாரால் அளிக்கப்பட்டது என்பது குறித்து இப்போதைக்கு எந்த விளக்கமும் அளிக்க முடியாது என்றும் கூறியிருக்கிறார்கள்.
ராம மோகன் ராவ் அவர்களின் அலுவலகம் மற்றும் வீடுகளில் இருந்த பல ஆவணங்கள், அலுவலக அறையில் இருந்து லேப்டாப் கைப்பற்றப்பட்டிருப்பதாகவும் கூறியுள்ளனர்.
ராம் மோகன் ராவின் செல்போனை ஆராய்ந்த போது அவர் தொழிலதிபர் சேகர் ரொட்டியோடு தொடர்ந்து பேசியிருப்பது கண்டு பிடிக்கப்பட்டதாக வருமான வரித்துறையினர் உறுதிப்படுத்தியிருக்கிறார்கள்.
லேப்டாப்பில் பாஸ்வேர்டு
ராம மோகன் ராவின் லேப் டாப்பை ஆராய்ந்த போது அது பாஸ்வேர்ட் கேட்கவே, அவர் சொல்ல மறுத்துள்ளார். தன்னுடைய பெர்சனல் என்றும் கூறியுள்ளார். ரெய்டு அளவிற்கு வந்த பிறகு பெர்சனல் என்று எதுவும் கிடையாது என்று கூறவே, பாஸ்வேர்டை சொன்னாராம்.
லலிதா யார்?
ராம மோகன் ராவ் சொன்ன பாஸ்வேர்ட் பெயர் பெண்ணின் பெயரை கொண்டதாக இருந்தது. அவருக்கு நெருங்கிய தோழியாக இருந்த லலிதா, சில ஆண்டுகளுக்கு முன்பு சென்னையில் தான் தங்கியிருந்தார். ராம மோகன் ராவ் வாங்கிக் கொடுத்த வீட்டில்தான் தங்கியிருந்தாராம் லலிதா. இந்த விவகாரம் ராம மோகன் ராவின் மனைவிக்கு தெரியவர, சிக்கலாகி விட்டதாம்.
நெல்லூருக்கு பார்சல்
லலிதா விவகாரம் பெரிதாகாமல் தடுக்க சென்னையில் இருந்து நெல்லுருக்கு லலிதாவை அனுப்பிவிட்டாராம் ராம மோகன் ராவ். லலிதாவிற்கு நெல்லூரில் வீடு எதுவும் வாங்கி கொடுத்திருக்கிறாரா? என்பது பற்றிய விவரங்களை வருமானவரித்துறையினர் சேகரிக்கத் தொடங்கியுள்ளனர்.
லலிதா எங்கே?
ராம மோகன் ராவின் லேப்டாப்பில் முக்கிய ஆவணங்களுடன் லலிதாவைப் பற்றிய தகவல்களும் தனி போல்டரில் இருக்கிறதாம். செல்ஃபி போட்டாக்களும் இருப்பதாக தகவல் வெளியாகியுள்ளது. ரெய்டுக்குப் பின்னர் லலிதா ஆந்திராவில்தான் இருக்கிறாரா? அல்லது வெளிநாடு எங்கும் சென்று விட்டாரா? என்று வருமான வரித்துறையினர் விசாரிக்கத் தொடங்கியுள்ளனர்.