வெள்ளம் பாதித்த சென்னை உள்பட பல மண்டலங்களில் அதிமுகவுக்கே ஆதரவு! மத்திய மண்டலத்தில் திமுக முந்துகிறத

சென்னை: தமிழக சட்டசபை தேர்தலை முன்னிட்டு ஊடகங்களில் கருத்துக்கணிப்புகள் வெளியாகி வருகின்றன. புதிய தலைமுறை தொலைக்காட்சியும், ஏபிடி நிறுவனமும் இணைந்து மக்களின் நாடிக்கணிப்பு 2016 என்று மாபெரும் சர்வே ஒன்றை நடத்தியுள்ளன.

மண்டல வாரியாக கட்சிகளுக்கான ஆதரவு பின்வருமாறு உள்ளது:

சென்னை மண்டலம்: அதிமுக 39.79%; திமுக 36.20%; தேமுதிக 6.86%; பாமக 1.9%; பாஜக 1.52%; நாம் தமிழர் 1.75%. வெள்ளத்தால் பாதிக்கப்பட்ட சென்னை மண்டலத்தில் அதிமுக, திமுகவைவிட சற்று அதிகமாக உள்ளது.

வடக்கு மண்டலம்: அதிமுக 36.23%; திமுக 30.80%; தேமுதிக 7.92%; பாமக 15.94%; நாம் தமிழர் 1.30%; பாஜக-0.54%. வேலூர், தருமபுரி, கிருஷ்ணகிரி, திருவண்ணாமலை உள்ளிட்ட மாவட்டங்களில் பாமக பலமாக இருப்பதை அது வாங்கியுள்ள வாக்கு சதவீதம் நிரூபிக்கிறது.

மத்திய மண்டலம்: அதிமுக 32.10%; திமுக 34.18%; தேமுதிக 11.20%; பாமக 4.97%; நாம் தமிழர் 2.31%; பாஜக-1.39%. திருச்சி உள்ளிட்ட பகுதிகளை உள்ளடக்கிய மத்திய மண்டலத்தில் திமுக எப்போதுமே பலமாக உள்ள கட்சி. இப்போதும் அது தொடருகிறது.

மேற்கு மண்டலம்: அதிமுக 42.09%; திமுக 27.04%; தேமுதிக 9.98%; பாமக 0.77%; நாம் தமிழர் 2.76%; பாஜக-6.45% ஆதரவை பெற்றுள்ளன.

கோவை, திருப்பூர், ஈரோடு உள்ளிட்ட கொங்கு மண்டலத்தில் அதிமுக எப்போதுமே பலமான கட்சி என்பது இந்த கருத்துக்கணிப்பிலும் உறுதியாகியுள்ளது. இந்த வட்டாரத்தில் பாஜக நான்காவது பெரிய சக்தியாக உள்ளது என்பதும் இதன் மூலம் உறுதியாகிறது. அதேநேரம், பாமகவைவிட, நாம் தமிழருக்கு இங்கு ஆதரவு அதிகமாக உள்ளது.

English summary

Regional wise parties support revealed in, Puthiyathalaimurai tv survey.