இழுத்து மூடப்படும் எஸ்.சி.வி.. கேபிள் டிவி ஒளிபரப்பில் உடனடி பாதிப்பா?

By Mathi

Published: Thursday, August 28, 2014, 14:13 [IST]

Subscribe to Oneindia Tamil

சென்னை: தமிழக கேபிள் ஒளிபரப்பில் செல்வாக்கு செலுத்தி வந்த சன் டிவி குழுமத்தின் எஸ்.சி.வி.க்கான உரிமம் ரத்து செய்யப்பட்ட நிலையில் கேபிள் ஒளிபரப்பில் பாதிப்பு ஏற்படுமா என்ற கேள்வி எழுந்துள்ளது.

தமிழகத்தில் பட்டி தொட்டி எங்கும் சன் டிவி குழும தொலைக்காட்சிகளை தெரிய வைப்பதற்கான அரசியல், ஆட்சி பலத்துடன் உருவாக்கப்பட்டதுதான் எஸ்.சி.வி. இது கல் கேபிள்ஸ் என்ற கலாநிதி மாறனுக்கு சொந்தமான நிறுவனத்தின் கீழ்தான் வருகிறது.

இந்த கல் கேபிள்ஸுக்கான உரிமத்தைத்தான் தற்போது மத்திய அரசு அதிரடியாக ரத்து செய்திருக்கிறது. இதனை எதிர்த்து சென்னை உயர்நீதிமன்றத்தில் கல் கேபிள்ஸ் உடனே வழக்கு தொடர்ந்துள்ளது.

ஆனால் மத்திய தகவல் மற்றும் ஒளிபரப்புத் துறை அமைச்சகமோ, உள்துறை அமைச்சகம் பாதுகாப்பு கிளியரன்ஸ் கொடுக்காத காரணத்தால்தான் கல் கேபிள்ஸ் உட்பட 17 நிறுவன உரிமங்களை ரத்து செய்தோம் என கூறுகிறது