விசிகவிற்கு மோதிரம் சின்னம் வழங்கிய தேர்தல் ஆணையம்

சென்னை: தமிழக சட்டசபைத் தேர்தலில் போட்டியிட விடுதலை சிறுத்தைகள் கட்சிக்கு மோதிரம் சின்னம் ஒதுக்கப்பட்டுள்ளது.

விசிக தேர்தல் அரசியலில் ஈடுபட ஆரம்பித்த பிறகு முதல்முறையாக 2004 லோக்சபா தேர்தலிலும், 2006 சட்டசபைத் தேர்தலில் அம்பு சின்னத்தில் போட்டியிட்டது.

கடந்த 2009 லோக்சபா தேர்தலில் திமுக கூட்டணியில் போட்டியிட்ட திருமாவளவன் நட்சத்திரம் சின்னத்தில் போட்டியிட்டு வெற்றி பெற்றார்.

விடுதலை சிறுத்தைகள் கட்சிக்கு தேர்தல் ஆணையம் #மோதிரம் சின்னம் ஒதுக்கியது #VCK pic.twitter.com/RBxnLFuThW

— Oneindia Tamil (@thatsTamil) March 24, 2016

2011 சட்டசபைத் தேர்தலில் இரட்டை மெழுகுவத்தி சின்னத்தில் போட்டியிட்டது.

கடந்த லோக்சபா தேர்தலில் மோதிரம் சின்னத்தில் விசிக போட்டியிட்டது. இந்நிலையில், இந்த சட்டசபைத் தேர்தலிலும் விசிகவுக்கு மோதிரம் சின்னத்தை தேர்தல் ஆணையம் ஒதுக்கியுள்ளது.

கடந்த லோக்சபா தேர்தலின் போது நட்சத்திரம் சின்னம் கேட்டார் திருமாவளவன் அது கிடைக்கவில்லை. உடனே திருமாவளவன், தனது தாயார் பெரியம்மாளிடம் கொடுத்து வேறு சின்னம் ஏதாவது தேர்வு செய்யுமாறு கூறினார். மோதிரம் எளிமையான சின்னமாக உள்ளது. இதனை தேர்வு செய் என்று அவரது தாயார் கூறினார்.

உடனே திருமாவளவன், தனது தாயார் தேர்வு செய்த மோதிரம் சின்னம் கோரி தேர்தல் அதிகாரியிடம் மனு அளித்தார். அதுவே கிடைத்தது. இம்முறையும் மோதிரம் சின்னம் ஒதுக்கீடு செய்யப்பட்டுள்ளதால் திருமாவளவன் மகிழ்ச்சியைடைந்துள்ளார்.

English summary

Election commission issue ring symbol for Viduthalai ciruthaigal katchi in TN assembly election.