கருணாநிதிக்கு எஸ்.வி.சேகர் பொங்கல் வாழ்த்து!

Updated: Wednesday, January 14, 2015, 16:38 [IST]

Subscribe to Oneindia Tamil

சென்னை: திமுக தலைவர் கருணாநிதியை நடிகரும், பாஜக கொள்கை பரப்புச் செயலாளருமான எஸ்.வி.சேகர் நேரில் சந்தித்து பொங்கல் வாழ்த்துகளைத் தெரிவித்துக் கொண்டார்.

நேற்று எஸ்.வி.சேகர் கருணாநிதியைச் சந்தித்தார். அப்போது தி்முக தலைவராக மீண்டும் தேர்ந்தெடுக்கப்பட்டதற்காக அவருக்கு எஸ்.வி.சேகர் வாழ்த்து தெரிவித்தார். மேலும் தமிழ்ப் புத்தாண்டு மற்றும் பொங்கலையொட்டி திமுக தலைவருக்கு அவர் வாழ்ததுகளையும் தெரிவித்துக் கொண்டார்.

இதேபோல தமிழ்நாடு விவசாயிகள் தொழிலாளர்கள் கட்சித் தலைவர் பொன். குமாரும் திமுக தலைவரை நேரில் சந்தித்து அவர் தலைவராக மீண்டும் தேர்ந்தெடுக்கப்பட்டதற்கும், பொங்கலையொட்டியும் வாழ்த்துகளைத் தெரிவித்து பொன்னாடை போர்த்தினார்.