சூப்பர்! அடுத்த ஜோக் சொல்லு தம்பி.. அதுக்கு சிரிப்பு வருதானு பார்ப்போம்..சீமானை கலாய்த்த எஸ்வி சேகர்

சென்னை: சூப்பர் அடுத்த ஜோக் சொல்லு தம்பி, அதுக்காவது சிரிப்பு வருதான்னு பார்ப்போம் என நாம் தமிழர் கட்சி ஒருங்கிணைப்பாளர் சீமானை எஸ் வி சேகர் மரண கலாய் கலாய்த்துள்ளார்.

ரஜினிகாந்த் கட்சி ஆரம்பிப்பதாக சொல்லி இரு ஆண்டுகள் உருண்டோடிவிட்டன. ஆனால் அதற்கான முயற்சிகள் எதையும் அவர் செய்ததாக தெரியவில்லை.

இந்த நிலையில் அவர் கன்னடர் என்பதால் அவர் ஆட்சியில் அமரக் கூடாது என சீமான் எதிர்ப்பு தெரிவிக்கிறார். நடிக்கத்தானே வந்தீர்கள், எவ்ளோ வேண்டுமானாலும் நடிங்க. ஆனால் எங்களை ஆள மட்டும் நினைக்காதீங்கன்னு சீமான் சொல்கிறார்.

3ஆவது இடம்

கடந்த 2017-ஆம் ஆண்டு முதல் ஒரு தேர்தலையும் சீமான் விட்டு வைப்பதே இல்லை. இடைத்தேர்தல், நாடாளுமன்றத் தேர்தல், உள்ளாட்சி தேர்தல் என அனைத்திலும் வேட்பாளர்களை நிறுத்தி தனது வாக்கு வங்கியை அதிகரித்து வருகிறார். கடந்த நாடாளுமன்றத் தேர்தலில் சில தொகுதிகளில் 3ஆவது இடத்திற்கு சென்றுள்ளார்.

தம்பி படம்

வெற்றி பெறாவிட்டாலும் இதுவே பெரிய சாதனைதான். இந்த நிலையில் சீமான் ஆதரவாளர் ஒருவர் தனது ட்விட்டர் பக்கத்தில் ஒரு கருத்தை தெரிவித்துள்ளார். அதில் "தம்பி" படத்துல மாதவன் வில்லனை பார்த்து ஒரு வசனம் வரும். நீ எந்த பக்கம் போனாலும் நான் அங்க வந்து நிப்பேன்னு.

ரஜினி

அதுமாதிரி ரஜினி 234 தொகுதியிலும் நிக்கனும். அவர் வேட்பாளர்கள் திரும்பி பக்கம்லாம் நாம் தமிழர் கட்சி சிம்ம சொப்பனமா நிக்கனும். கொடுக்க போற மரண அடில ரஜினி அதோட கட்சியை களைக்கனும் என தெரிவித்துள்ளார். இதை எஸ் வி சேகர் செமையாக கலாய்த்துள்ளார்.

சூப்பர். அடுத்த ஜோக் சொல்லு தம்பி. அதுக்காவது சிரிப்பு வருதான்னு பாப்போம். https://t.co/yilulD5EjP

— S.VE.SHEKHER🇮🇳 (@SVESHEKHER) January 24, 2020

சீமான்

பாஜக நிர்வாகியான எஸ்வி சேகர் தனது ட்விட்டர் பக்கத்தில் கூறுகையில் சூப்பர். அடுத்த ஜோக் சொல்லு தம்பி. அதுக்காவது சிரிப்பு வருதான்னு பார்ப்போம் என எஸ் வி சேகர் கலாய்த்துள்ளார். என்னதான் நாம் தமிழர் கட்சி ஆதரவாளருக்கு இந்த பதில் அளித்திருந்தாலும் இது நேரடியாக சீமானுக்கு அளித்த பதிலாகவே பார்க்கப்படுகிறது.

English summary

BJP activist S Ve Shekher gives reply for Naam Tamilar Party Cadre on his comment over Rajinikanth.