கருணாநிதி 91 வது பிறந்த நாள்: நடிகர் எஸ்.வி.சேகர் நேரில் வாழ்த்து!
சென்னை: திமுக தலைவர் கருணாநிதி தனது 91 வது பிறந்த நாளை கொண்டாட உள்ள நிலையில், அவருக்கு பிரபல நடிகர் எஸ்.வி. சேகர் இன்று நேரில் சந்தித்து வாழ்த்து தெரிவித்தார்.
அதிமுகவில் சேர்ந்து மயிலாப்பூர் தொகுதி எம்.எல்.ஏவாக வெற்றிபெற்ற எஸ்.வி.சேகர், கடந்த திமுக ஆட்சியில் கருணாநிதி மற்று மு.க. அழகிரியிடம் நெருக்கம் காட்டினார். இந்நிலையில் அவர் திமுகவில் சேரலாம் என்ற எதிர்பார்ப்பும் ஏற்பட்டது. ஆனால் அதிமுகவில் இருந்து விலகியும் அவர் அவ்வாறு சேரவில்லை. இருப்பினும் கருணாநிதியுடனான நட்புணர்வை தொடர்ந்து வந்தார்.
இந்நிலையில் நாளை 3 ஆம் தேதி கருணாநிதியின் 91 வது பிறந்த நாள் ஆகும். இவ்விழாவை வழக்கமான உற்சாகத்தோடு கொண்டாட உடன்பிறப்புகள் தயாராகி வருகிறார்கள்.
முந்தைய பிறந்த நாள் விழாக்களை போன்றே, அவர் இந்த ஆண்டும் பொதுமேடையில் திமுகவினர் மற்றும் இதர அமைப்புகள், பொதுமக்களின் வாழ்த்துக்களை ஏற்றுக்கொள்கிறார்.
நாளை கூட்டம் அதிகமாக இருக்கும் என்று கருதியதாலோ என்னவோ, நடிகர் எஸ்.வி. சேகர் இன்று கருணாநிதியை அவரது இல்லத்தில் நேரில் சந்தித்து வாழ்த்து ஓவியம் ஒன்றை பரிசளித்து வாழ்த்தினார்.
Click it and Unblock the Notifications
Sign in with Google