மத்திய அரசு பணிக்குப் போகும் சிவ்தாஸ் மீனா... முதல்வரின் 2ம் நிலை பிஏவான விஜயகுமார்

ஐஏஎஸ் அதிகாரிகள் மாற்றப்பட்டுள்ளனர். முதல்வரின் 3ம் நிலை செயலாளராக இருந்த எஸ். விஜயகுமார் முதல்வரின் 2ம் நிலை செயலாளராக நியமிக்கப்பட்டுள்ளார்.

சென்னை: தமிழக முதல்வரின் செயலாளர்கள் மாற்றப்பட்டுள்ளனர். சிவ்தாஸ் மீனா மத்திய அரசுப்பணிக்கு செல்வதை முன்னிட்டு எஸ். விஜயகுமார் முதல்வரின் 2ம் நிலை செயலாளராக நியமிக்கப்பட்டுள்ளார்.

நிதித்துறை(செலவினம்) செயலாளராக இருந்த பி.செந்தில்குமார் முதல்வரின் 3ம் நிலை செயலாளராக நியமிக்கப்பட்டுள்ளார்.

முதல்வரின் 3ம் நிலை செயலாளராக இருந்த எஸ். விஜயகுமார் முதல்வரின் 2ம் நிலை செயலாளராக நியமிக்கப்பட்டுள்ளார்.

தமிழக அரசின் நிதித்துறை(செலவினம்) செயலாளராக எம்.ஏ.சித்திக் நியமிக்கப்பட்டுள்ளார். இவர் இதற்கு முன்பு தொல்லியல் துறை ஆணையராக இருந்தவர்.

முதல்வர் பழனிசாமியின் 2வது தனிச் செயலாளர் பொறுப்புடன் கூடுதல் பொறுப்பாக பொதுத்துறை செயலர் பொறுப்பையும் சிவ்தாஸ் மீனா ஐஏஎஸ் கவனித்து வந்தார். அவர் மத்திய அரசுப்பணிக்கு செல்கிறார்.

சிவ்தாஸ் மீனா கூடுதலாக வகித்து வந்த பொதுத்துறை செயலாளர் பொறுப்புக்கு, பொதுத்துறை கூடுதல் செயலாளராக பதவி வகித்த மைதிலி கே ராஜேந்திரன் நியமிக்கப்பட்டுள்ளார். இதற்கான உத்தரவை தலைமை செயலாளர் கிரிஜா வைத்தியநாதன் பிறப்பித்துள்ளார்.

2016ம் ஆண்டு ஜூன் மாதம் தமிழக முதல்வரின் தனிச் செயலராக சிவ்தாஸ் மீனா நியமிக்கப்பட்டார். மத்திய அரசின் நகர்ப்புற வளர்ச்சி கழகத்தின் இணை செயலாளர் பொறுப்பிற்கு சிவ்தாஸ் மீனா மாற்றப்பட்டுள்ளார் என்பது குறிப்பிடத்தக்கது.

English summary

CM Edappadi palanisamy personal secretary Shivdoss meena transferred to central government's urban development department