சேலத்தில் திமுக பிரமுகர் வெட்டிக் கொலை – போலீசார் விசாரணை

Published: Monday, March 30, 2015, 9:13 [IST]

Subscribe to Oneindia Tamil

சேலம்: சேலம் கிச்சிபாளையம் பகுதியில் திமுக பிரமுகர் அடையாளம் தெரியாத நபர்களால் வெட்டிக் கொலை செய்யப்பட்டார்.

கிச்சிபாளையம் பகுதியைச் சேர்ந்த திமுக பிரமுகர் நெப்போலியன் என்பவர் நேற்றிரவு தனியாகச் சென்றபோது அடையாளம் தெரியாத நபர்களால் வெட்டிக் கொலை செய்யப்பட்டார். இச்சம்பவத்தைத் தொடர்ந்து அப்பகுதியில் பாதுகாப்பு அதிகரிக்கப்பட்டுள்ளது.

மேலும், இது தொடர்பாக வழக்குப்பதிவு செய்துள்ள போலீசார், கொலையாளிகளை தேடி வருகின்றனர். கொலையான நெப்போலியன் மீது பல்வேறு குற்ற வழக்குகள் நிலுவையில் உள்ளன.

கிச்சிபாளையம் பகுதியில் இரு தரப்பினரிடையே பிரச்னை இருந்து வந்த நிலையில், பழிக்குப் பழியாக இக்கொலை நடந்திருக்கலாம் என கூறப்படுகிறது.

Published On March 30, 2015