சல்யூட் மிஸ்டர் மோடி: ட்விட்டரில் நெகிழ்ந்த கமல் ஹாஸன்

சென்னை: மோடியின் அறிவிப்புக்கு தலை வணங்குவதாக உலக நாயகன் கமல் ஹாஸன் தெரிவித்துள்ளார்.

கறுப்பு பணத்தை ஒழிக்க நடவடிக்கை எடுக்கப்படும் என பிரதமர் நரேந்திர மோடி அறிவித்து வந்தார். இந்நிலையில் கறுப்பு பணத்தை ஒழிக்க ரூ.500 மற்றும் ரூ.1000 நோட்டுகள் செல்லாது என நேற்று அறிவிப்பு வெளியிட்டார்.

இதை அரசியல் கட்சி தலைவர்களும், பொது மக்களும், திரையுலக பிரபலங்களும் பாராட்டி சமூக வலைதளங்களில் கருத்து தெரிவித்துள்ளனர். இந்நிலையில் உலக நாயகன் கமல் ஹாஸனும் ட்விட்டரில் மோடியை பாராட்டியுள்ளார்.

இது குறித்து அவர் ட்விட்டரில் கூறியிருப்பதாவது,

சல்யூட் மிஸ்டர் மோடி. அரசியல் கட்சிகள் இந்த நடவடிக்கையை கொண்டாட வேண்டும். குறிப்பாக முறையாக வரி செலுத்துவோர் என தெரிவித்துள்ளார்.

English summary

Kamal Haasan tweeted that, 'Salute Mr. Modi. This move has to be celebrated across political party lines. Most importantly by earnest tax payers.'