கருணாநிதியா, ஸ்டாலினா..? முதல்வர் வேட்பாளர் யார் என்பதில் திமுகவிற்குள் குழப்பம்: சரத்குமார்

கோவை: திமுகவில் யார் முதல்வர் வேட்பாளர் என்பதில் கருணாநிதி மற்றும் ஸ்டாலின் நடுவே குழப்பம் நிலவுகிறது என்று சமத்துவ மக்கள் கட்சி தலைவர் சரத்குமார் தெரிவித்தார்.

கோவை தெற்கு தொகுதியின் அதிமுக வேட்பாளர், அம்மன். கே.அர்ச்சுனனை ஆதரித்து, உக்கடம் பகுதியில் நேற்று இரவு சரத்குமார் பிரசாரம் செய்தார்.

சரத்குமார் பேசுகையில், தமிழகத்தை முதன்மை மாநிலமாக உருவாக்க பல திட்டங்களை தீட்டி செயல்படுத்தியது ஜெயலலிதாதான். திமுக கூட்டணியில் முதல்வர் வேட்பாளர் கருணாநிதியா அல்லது ஸ்டாலினா என்பதில் அவர்களுக்குள்ளேயே குழப்பம் நிலவுகிறது.

கருணாநிதிக்கு மீண்டும் முதல்வராக வேண்டும் என்று ஆசை. ஆனால் ஸ்டாலினுக்கு இதில் அதிருப்தி. நான், 234 தொகுதிகளிலும் கருணாநிதி குடும்பம்தான் தேர்தலில் போட்டியிடும் என்றுதான் நினைத்தேன். எப்படியோ அது நடக்கவில்லை, இவ்வாறு சரத்குமார் பேசினார்.

English summary

Sarathkumar slams Karunanidhi and Stalin for their run for CM post.