யாராவது பாத்தீங்களா.. நம்ம "4ஜி" பொண்ணு பிஸ்கட் விளம்பரத்துக்கு மாறிருச்சு!

சென்னை: விளம்பரங்களில் நடிப்பவர்களில் சிலர் டக்கென அகில உலக பிரபலம் ஆகி விடுவார்கள். அப்படிப்பட்ட வெகு சில முகங்களில் ஒன்றுதான் சாஷா செட்ரி.

சாஷா செட்ரி என்றால் யாருக்கும் தெரியாது.. ஆனால் டிவியில் வருமே 4ஜி பொண்ணு என்று சொல்லிப் பாருங்கள்.. ப்ரீகேஜி பாப்பாவுக்குக் கூட பளிச்சென நி்னைவில் வந்து போகும்.

அப்படி ஒரு பிரபலம் இந்த சாஷா செட்ரி. எங்க பார்த்தாலும் இந்தப் பெண்ணின் முகம்தான்.

டேராடூன் டூ ஆண்டிப்பட்டி

டேராடூனைச் சேர்ந்த சாஷாவை ஆண்டிப்பட்டி பொட்டிக் கடையிலும் பார்க்கலாம். அந்த அளவுக்கு நாடு முழுவதும் செம பாப்புலர் ஆனவர் சாஷா.

ஆகஸ்ட் முதல்

கடந்த ஆகஸ்ட் மாதம் இந்த 4ஜி விளம்பரம் வர ஆரம்பித்தது. முதல் விளம்பரத்திலேயே இவரது முகம் பளிச்சென அனைவரது மனதிலும் பதிந்து போனது. இதுவும் கூட இந்த நிறுவனத்தின் விளம்பரம் ஹிட் ஆக ஒரு முக்கியக் காரணம்.

க்யூட் உருவம். குட்டைத் தலைமுடி

குட்டைத் தலைமுடியுடன் க்யூட்டான முகத்துடன், நம்ம வீட்டுப் பெண் போன்ற தோற்றத்துடன் காணப்படுகிறார் சாஷா. வயது 19தான் ஆகிறது. பிபிஏ படித்து வருகிறார்.

மாடலிங் கனவு

மாடலிங்தான் இவரது கனவு. அந்த சமயத்தில்தான் இந்த 4ஜி விளம்பர வாய்ப்பு வரவே கப்பென பிடித்துக் கொண்டார். இப்போது நாட்டின் முன்னணியான, டிமாண்டான மாடல்கள் வரிசையில் சேர்ந்து விட்டார்.

விளம்பரம் மாறினார்

தற்போது இவர் இன்னொரு விளம்பரத்தில் வர ஆரம்பித்துள்ளார். இது ஒரு பிஸ்கட் விளம்பரம். முதல் விளம்பரம் போலவே இதிலும் கலக்குகிறார். சாஷாவின் முக "மாஜிக்" அந்த பிஸ்கட் நிறுவனத்திற்கு உயர்வு தருமா.. பொறுத்திருந்து பார்ப்போம்.

English summary

Sasha Chettri, the famous 4g advt girl is coming in another commercial.