நாளை சசிகலா பதவியேற்பு? சென்னை பல்கலைக்கழக நூற்றாண்டு விழா மண்டபத்தில் ஏற்பாடுகள் தீவிரம்
முதல்வர் சசிகலா நாளை பதவியேற்கவுள்ளார் என தகவல் வெளியாகியுள்ளது. இதற்கான ஏற்பாடுகள் சென்னை பல்கலைக்கழக நூற்றாண்டு விழா மண்டபத்தில் தீவிரமாக நடைபெற்று வருகிறது.
சென்னை: அதிமுக பொதுச்செயலாளர் சசிகலா நாளை முதல்வராக பதவியேற்பார் என தகவல் வெளியாகியுள்ளது. பதவியேற்பு விழா சென்னை பல்கலைக் கழக நூற்றாண்டு மண்டபத்தில் நடைபெற உள்ளதால் அதற்கான ஏற்பாடுகள் அங்கு துரிதமாக செய்யப்பட்டு வருகிறது.
அதிமுக பொதுச்செயலாளரான சசிகலா நேற்று நடைபெற்ற அக்கட்சியின் எம்எல்ஏக்கள் கூட்டத்தில் முதல்வராக தேர்வு செய்யப்பட்டார். இவர் 9ஆம் தேதிக்குள் முதலமைச்சராக பதவியேற்பார் என தகவல் வெளியானது.
ஓ.பன்னீர்செல்வமும் தனது முதல்வர் பதவியை ராஜினாமா செய்துள்ளார். அதிமுகவில் அடுத்தடுத்து அரங்கேறும் நிகர்வுகளால் தமிழக அரசியல் சூழலில் பரபரப்பு நிலவி வருகிறது.
சசிகலாவுக்கு அதிமுகவினர் போர்க்கொடி
சசிகலா முதல்வராக பல்வேறு கட்சியினரும் கடும் எதிர்ப்பு தெரிவித்து வருகின்றனர். மக்களுக்கு சம்பந்தமே இல்லாத சசிகலா முதல்வராக கூடாது என்று அதிமுகவினர் போர்க்கொடி உயர்த்தியுள்ளனர்.
சசிக்கு எதிராக போராட்டம்
முதல்வர் ஓ.பன்னீர்செல்வம் முதல்வராக நீடிக்க வேண்டும் என பொதுமக்களும் போராட்டம் நடத்தி வருகின்றனர். சசிகலா தமிழக முதல்வராக பதவியேற்க கூடாது என்றும் அவர்கள் வலியுறுத்தி வருகின்றனர்.
நடப்பது நடக்கட்டும் நாளையே பதவியேற்பு?
இந்நிலையில் நடப்பது நடக்கட்டும் என சசிகலா நாளையே பதவியேற்க உள்ளதாக தகவல் வெளியாகியுள்ளது.அவர் சென்னை பல்கலைக்கழக நூற்றாண்டு விழா மண்டபத்தில் நாளை பதவியேற்பார் என கூறப்படுகிறது.
இன்று இரவு அதிகாரப்பூர்வ அறிவிப்பு?
இதற்காக விழா மண்டபத்தில் உள் அலங்காரப் பணிகள் புயல்வேகத்தில் நடைபெற்று வருகின்றன. இதுகுறித்த அதிகாரப்பூர்வ அறிவிப்பு இன்று இரவு வெளியாகும் என கூறப்படுகிறது.
Click it and Unblock the Notifications
Sign in with Google