ஜனவரி 12-ல் சசிகலா முதல்வராகிறார்? 'நடராஜன் சிஎம்' என தகவல் பரவியதால் பரபரப்பு!

அதிமுக எம்.எல்.ஏ.க்களிடம் சசிகலாவை முதல்வராக தேர்வு செய்ய ஆதரவு கடிதம் பெறப்பட உள்ளதாக கூறப்படுகிறது. சசிகலா ஜனவரி 12-ல் முதல்வராக வாய்ப்புள்ளதாக தெரிகிறது.

சென்னை: அதிமுகவின் பொதுச்செயலராக நியமிக்கப்பட்டுள்ள சசிகலா நடராஜன் தமிழக முதல்வராக ஜனவரி 12-ந் தேதியன்று பொறுப்பேற்கக் கூடும் என அதிமுக வட்டாரங்கள் தெரிவிக்கின்றன.

ஜெயலலிதா மறைவைத் தொடர்ந்து சசிகலா நடராஜனை அதிமுக பொதுச்செயலராக அக்கட்சியின் பொதுக்குழு நியமித்துள்ளது. இந்த நிலையில் ஆட்சியும் தற்போது சசிகலா வசம் போகிறது.

இதனிடையே அதிமுக எம்.எல்.ஏக்கள் கூட்டம் விரைவில் கூட்டப்பட உள்ளது. இதில் சசிகலா முதல்வராவதற்கு அதிமுக எம்.எல்.ஏ.க்களிடம் ஆதரவு கடிதம் பெறப்பட்டு, அதன்பின்னர் ஜனவரி 12-ந் தேதியன்று முதல்வராக சசிகலா பொறுப்பேற்பார் என்கின்றன அதிமுக வட்டாரங்கள். இதனிடையே சசிகலாவின் கணவர் நடராஜன் முதல்வராகப் போகிறார் என பரவிய தகவலால் அதிமுகவில் பெரும் பரபரப்பு ஏற்பட்டது.

English summary

The crucial ADMK MLAs meeting scheduled for today evening is likely to elect Sasikala for the Chief Minister Post.